Ulrike Bail

Vu Wikipedia
Op d'Navigatioun wiesselen Op d'Siche wiesselen
Ulrike Bail

D'Ulrike Bail, gebuer 1960 zu Metzingen[1], ass eng däitsch Theologin a Schrëftstellerin.

Si huet op der Universitéit Tübingen evangelesch Theologie a Germanistik studéiert, an dono an der Württembergischen Landeskirche hiert Vikariat gemaach. 1997 huet si op der Universitéit Bochum an evangelescher Theologie promovéiert, an och do 2003 habilitéiert. Am selwechte Joer gouf si zu Bochum Privatdozentin fir dat Aalt Testament. 2004 huet si feministesch Theologie an theologesch Fraefuerschung op der Humboldt-Universität zu Berlin enseignéiert[2]

Si lieft zanter 2005 zu Lëtzebuerg.

D'Ulrike Bail huet Texter an Artikelen iwwer theologesch Theeme publizéiert. Zanter den 2010er Jore schreift si och Gedichter. Dës goufen ë. a. an Les Cahiers luxembourgeois oder am Jahrbuch der Lyrik publizéiert.

2011 koum hiren éischte Gedichtsband, wundklee streut aus.47 gedichte über theodora eraus.

Auszeechnungen[änneren | Quelltext änneren]

2020 krut si den éischte Präis am nationale Literaturconcours fir statt einer ankunft. 2011 an 2015 hat si bei deem Concours all Kéiers den 2. Präis kritt.

Fir de Gedichtsband wie fiele faden tief, deen 2020 publizéiert gouf, krut si 2021 de Servais-Präis.

Um Spaweck[änneren | Quelltext änneren]

Referenzen[Quelltext änneren]

  1. Fiche op conte-verlag.de; gekuckt 2021-06-17
  2. Fiche op autorenlexikon.lu.