Vatican Advanced Technology Telescope

De Vatican Advanced Technology Telescope, kuerz VATT, ass e Gregory-Teleskop mat engem Duerchmiesser vun 1,8 Meter, dee fir visuellt an infrarout Liicht zweckméisseg ass. Hie steet um Mount Graham, am Südoste vun Arizona an enger Héicht vun 3178 Meter. Hien ass en Deel vum Mount Graham International Observatory a gehéiert zum Observatoire vum Vatikan a Partnerschaft mat der University of Arizona. D'Teleskop gouf gréisstendeels duerch Spenden vum Fred an Alice P. Lennon souwéi vum Thomas J. Bannan finanzéiert. Fäerdeggestallt gouf et am Joer 1993 (Éischt Liicht).

Den Haaptspigel vum Teleskop huet eng Brennwäit, déi dem Duerchmiesser entsprécht, soudatt sech trotz dem Gregory-Opbau eng kompakt Bauform ergëtt. Un d'Teleskop ass de VATT CCD Imager - Vatt4k, en CCD-Bildsensor mat 4064 × 4064 Pixel ugeschloss, deen eng Himmelsregioun vun 12,5 × 12,5 Bouminutten opzeechent. Filter fir interessant Spektralberäicher kënnen tëschegeschalt ginn.

D'Teleskop gëtt haaptsächlech fir Astrofotografie a Photometrie agesat. Wichteg Resultater sinn:

d'Entdeckung vun Massive compact halo objects an der Andromedagalaxie,
d'Validéierung vum Stromvil photometresche Filtersystem,
Indizien iwwer d'Form- a Gréisstenentwécklung vu Galaxien iwwer d'Geschicht vum Universum,
Entdeckung vum éischte binäre Vestoid,
Charakteriséierung a Klassifizéierung unhand vun der visueller Spektralverdeelung vun iwwer 100 transneptuneschen Objeten, déi meeschtens méi donkel wéi 21 mag sinn.

Optescht System	Aplanatische Gregorian f / 9
Brennwäit	16.48 m
Haaptspigel	f/1.0, Duerchmiesser 1.83 m
Sekundärspigel	f/0.9, Duerchmiesser 0.38 m (Focus Control: 0.1 micrometer)
Siichtfeld	72 mm (15')
Moossstaf	12.52 "/mm
Bildqualitéit	0.1 ' - 6.8 "
Montéierung	Alt-Az + Derotater

Kuckt och

Portal Astronomie

Um Spaweck

VATT Websäit
Eastern Arizona College's Discovery Park Campus - Guidéiert Toure vum internationalen Observatoire Mount Graham.