Yunnan

Vu Wikipedia
Wiesselen op: Navigatioun, sichen
Yunnan bannent China

De Yúnnán ( chinesesch: 云南 oder 雲南, "Südlech vun de Wolleken") ass eng Provënz am Südweste vun der Volleksrepublik China. Mat 394.100 Quadratkilometer ass se ongeféier sou grouss wéi Däitschland an Holland zesummen.

Geographie[änneren | Quelltext änneren]

De Yunnan huet eng grouss Varietéit vu Biotopen: vu schnéibedeckte Bierger bis zu Däller mat tropescher, respektiv subtropescher Vegetatioun ass alles vertrueden. Am Yunnan liewen déi lescht 250 Elefanten aus China a fräier Natur.

Duerch de Yunnan lafen ë. a.:

De Yunnan grenzt un déi Autonom Territoiren Tibet a Guangxi an un d'Provënzen Sichuan a Guizhou. Weiderhi grenzt et un d'Staat Vietnam, Laos a Myanmar (Birma).

Demographie[änneren | Quelltext änneren]

De Yunnan ass déi Provënz a China mat der héchster ethnescher Diversitéit. Eng 38 % vun der Bevëlkerung gehéieren zu ethnesche Minoritéiten, dorënner de Yi, de Bai, den Hani, den Dai, de Miao, de Lisu, den Hui, de Lahu, de Va, den Naxi, de Mosuo, de Yao, den Tibeter, de Jingpo, de Blang, de Primi, den Nu, den Achang, de Jino, de Mongolen, den Derung, de Mandschu, de Sui an de Bouyei.

Administrativ Struktur[änneren | Quelltext änneren]

De Yunnan besteet aus aacht bezierksfräie Stied an aacht Autonome Bezierker:

  • Stad Kunming (昆明市);
  • Stad Qujing (曲靖市);
  • Stad Yuxi (玉溪市);
  • Stad Baoshan (保山市);
  • Stad Zhaotong (昭通市);
  • Stad Lijiang (丽江市);
  • Stad Pu'er (普洱市);
  • Stad Lincang (临沧市);
  • Autonome Bezierk Wenshan vun den Zhuang an de Miao (文山壮族苗族自治州);
  • Autonome Bezierk Honghe vun den Hani an de Yi (红河哈尼族彝族自治州);
  • Autonome Bezierk Xishuangbanna vun den Dai (西双版纳傣族自治州);
  • Autonome Bezierk Chuxiong vun de Yi (楚雄彝族自治州);
  • Autonome Bezierk Dali vun de Bai (大理白族自治州);
  • Autonome Bezierk Dehong vun den Dai an de Jingpo (德宏傣族景颇族自治州);
  • Autonome Bezierk Nujiang vun de Lisu (怒江傈傈族自治州);
  • Autonome Bezierk Dêqên vun den Tibeter (迪庆藏族自治州).

Ekonomie[änneren | Quelltext änneren]

Den Téi ass eent vun de bekanntste Produkter aus der Provënz. Zënter dem Enn vum 19. Joerhonnert gëtt do och Kaffi ugebaut.

Tourismus[änneren | Quelltext änneren]

Touristesch Stied am Yunnan sinn Dali, d'Naxi-Stad Lijiang, Shangri-La, Shilin a Jinghong zu Xishuangbanna.

D'Alstad vu Lijiang (13. Jh.) ass zanter 1997 eng UNESCO-Kultur-Weltierfschaft. Och de "Stenge Bësch" bei Shilin, 120 Kilometer südëstlech vu Kunming, steet op där Lëscht. Dat si Karstformatiounen am Kalleksteen, déi wéi Tierm bis zu 30 Meter héich an d'Luucht stinn.

Biller[änneren | Quelltext änneren]

Um Spaweck[änneren | Quelltext änneren]

Commons: Yunnan – Biller, Videoen oder Audiodateien