Eisebunnsstreck Näerzeng-Rëmeleng
 En historeschen CFL Westwaggon an der Gare Näerzeng | |
 Streckekaart vun der Linn 6c | |
| Linnennummer | 6c |
|---|---|
| Besëtzer | Lëtzebuerg |
| Bedreiwer | CFL |
| vu(n) | Gare Näerzeng |
| op | Gare Rëmeleng |
| iwwer | Brucherbierg, Gare Keel, Gare Téiteng |
| opgaangen | 1860 |
| Technesch Donnéeën | |
| Längt | 5,9 km |
| Gréisst Steigung | 8 ‰ |
| Klengste Radius | 325 m, 271,4 m |
| Spuerbreet | Normalspuer |
| Vitesslimitatioun | 75 km/h |
| Stroumsystem | 25kV Wiesselstroum |
| Zuchsécherungssystem | European Train Control System |
 | |
| Garen - Uschlëss - Brécken Tunnellen - Barriären |
PK | |
 |
Uschloss: Beetebuerg | |
 |
Gare Näerzeng | 0,00 |
 |
Ofzweigung Esch | 0,12 |
 |
Autobunn A13 | 0,83 |
 |
Ofzweigung Brucherbierg | 1,20 |
 |
Puelbech | 1,98 |
 |
Barriär PN. 105 Keel CR166 Schëfflenger Srooss | 2,14 |
|
Nationalstrooss N 31 (Keel - Esch) | 2,84 |
|
Gare Keel | 3,00 |
|
Bermicht | 3,09 |
|
Gare Téiteng | 3,91 |
 |
Téiteng (Rue des Légionnaires - Rue de l'Eau) | 4,24 |
|
Ofzweigung Intermoselle | |
|
Barriär PN. 106 CR166 | 4,96 |
 |
Gare Rëmeleng | 5,92 |
D'Eisebunnsstreck Näerzeng-Rëmeleng ass eng Eisebunnsstreck zu Lëtzebuerg. Se féiert vun Näerzeng op Rëmeleng.
D'Trass fir d'Eisebunnsstreck Näerzeng-Rëmeleng gëtt vun der Administration des chemins de fer verdeelt. D'CFL bedreift a geréiert d'Infrastruktur vun der Streck, déi am Besëtz vum Lëtzebuerger Staat ass.
Linn
[änneren | Quelltext änneren]D'Eisebunnsstreck Näerzeng-Rëmeleng ass eng Antenn vun der Eisebunnsstreck Beetebuerg-Esch a gëtt als Linn 6c bezeechent; am kommerzielle Passagéierverkéier ass se an der Linn 60[1] integréiert. Si ass 5,9 km laang an op der ganzer Streck eegleiseg. D'Vitess op der Streck ass op 75 km/h limitéiert.
Geschicht vun der Streck
[änneren | Quelltext änneren]Duerch en Arrêté royal grand-ducal vum 20. Juni 1859[2] krut de Wëllem Lëtzebuerg d'Konzessioun fir vu Beetebuerg aus en Uschloss an d'Minettsgéigend ze bauen, an zwar iwwer Näerzeng op Esch, mat engem Gleis vun Näerzeng aus op d'franséisch Grenz zu Rëmeleng[2]. D'Streck gouf 1860 a Betrib geholl. Se gouf tëscht 1960 an 1961 elektrifizéiert.
Dat Stéck vun der Rëmelenger Gare bis op Grenzgare gouf 1996 definitiv zougemaach, den Uschloss a Frankräich ass scho méi laang net méi befuer ginn. Domat ass aus der haiteger Gare eng Kappgare ginn, an d'Barriär an der Entrée vu Rëmeleng konnt och suppriméiert ginn. Op där Plaz ass haut e Kreesverkéier.
Als Iwwerreschter kann een nach déi al Gare op der Grenz zu Rëmeleng gesinn, an eng Partie vun der ofgerappter Streck op Ëtteng.
Vu Rëmeleng aus ass och eng Streck Richtung Téiteng gaangen, laanscht de Perchesbierg bis op den Hesselbierg. Haut ass op enger Partie vun där Streck en Trëppelpad, an et kann een nach Iwwerreschter vun de Verluedequaie gesinn.
Bedeitung fir de Giddertransport
[änneren | Quelltext änneren]Vun Téiteng aus geet och nach e Gleis a Richtung Laangegronn fir d'Firma Intermoselle ze bedéngen. Deen Deel gouf 1980 elektrifizéiert.
Op där Streck louch och den Tunnel Huttbierg vun 80 Meter Längt, deen 1884 fäerdeg gouf a vun 2021 un ofgerappt gouf.
Zukunft vun der Streck
[änneren | Quelltext änneren]Am Mee/Juni 2010 gouf bekannt, datt iwwerluecht gëtt, fir kee Persounentransport méi op der Streck unzebidden[3]. Virun allem d'Feele vun Direktverbindungen an d'Stad an d'Konkurrenz vum Bus hunn d'Streck vill vun hirer Attraktivitéit kascht.
Etüde vum Ministère des Transports hu festgestallt, datt duerchschnëttlech nëmme 75 Leit den Dag de Service benotzen, wat 6 Leit pro Zuch sinn. D'Spuerpotential gëtt dobäi op 1,3 Milliounen Euro d'Joer geschat.
D'Gemenge laanscht Streck fäerte se géifen un Attraktivitéit ze verléieren. Pläng fir e Park and Ride zu Téiteng wieren domat geneesou a Gefor, wéi d'Abanne vun der Linn an de sougenannte Südtram[4].
Am Nationale Mobilitéitsplang 2035 ass elo awer virgesinn, fir an Zukunft nees méi Zich op der Streck Näerzeng-Rëmeleng fueren ze loossen, ë a. well d'Bussen op der N33 (Keel - Téiteng - Rëmeleng) net iwwerall prioriséiert kënne ginn. Mat engem Hallefstonnentakt op der Streck, géifen d'Uschlëss zu Näerzeng och verbessert ginn. Et ass och virgesinn eng zousätzlech nei Halt unzefueren, mat där de Quartier Keel-Nord besser ugebonne géif. Wann d'Demande grouss genuch wier, kéinten an enger zweeter Phas och Direktzich bis an d'Stad ageplangt ginn, wat awer och bedeite géif, datt neit Rullmaterial ugeschaaft misst ginn[5][6].
Passagéierzuelen
[änneren | Quelltext änneren]Op der Streck Näerzeng - Keel - Rëmeleng goufen am Joer 2022 15.000 Leit transportéiert, dat Joer duerno waren et der 23.000[5].
Biller
[änneren | Quelltext änneren]-
Dat fréiert Voyageursgebai vun Näerzeng -
D'Gare vu Keel... -
Téiteng... -
déi vu Rëmeleng... -
an d'Grenzgare
Kuckt och
[änneren | Quelltext änneren]Um Spaweck
[änneren | Quelltext änneren]| Commons: Eisebunnsstreck Näerzeng-Rëmeleng – Biller, Videoen oder Audiodateien |
- Donnéeën iwwer d'Streck: Réseau Ferré Luxembourgeois - Document de Référence du Réseau 2024, Version 2.0.
Referenzen an Notten
[Quelltext änneren]- ↑ Réseau op cfl.lu, gekuckt den 8. Mäerz 2020
- ↑ 2,0 2,1 Arrêté royal grand-ducal du 20 juin 1859 - Concession à la Société Guillaume-Luxembourg, d'un embranchement de chemin de fer de Bettembourg vers deux points des minières du canton d'Esch.
- ↑ Artikel aus dem Lëtzebuerger Wort vum 8. Juni 2010 Archivéiert de(n) 11.06.2010. Gekuckt de(n) 08.06.2010.
- ↑ De Projet Südtram op rail.lu
- ↑ 5,0 5,1 Luc Ewen, „Auf die Nebenlinien ist nicht immer Verlass“, Luxemburger Wort, 20.03.2024, S. 16
- ↑ (de)Broschüre : PN.M 2035 - Nationaler Mobilitätsplan, "Ausbau der Käldall-Stichbahnstrecke mit Endhaltestelle Rumelange", S. 50. transports.public.lu (11.04.2023). Gekuckt de(n) 20.03.2024.