Eternal Tango
| Grënnung: | 2002 |
| Genre: | Alternative Rock |
| Website: | http://www.eternaltango.net |
| Aktuell Memberen | |
| Gesank & Scream: | David Moreira |
| Bass-Gittar & Gesank: | Tom Gatti |
| Lead-Gittar | David Schmit |
| Gittar: | Joe Koener |
| Batterie: | Pit Romersa |
Eternal Tango ass eng lëtzebuergesch Rockgrupp déi am Joer 2002 zu Diddeleng gegrënnt gouf. Hiren éischten CD koum 2004 als "Split CD" zesumme mat der Grupp Spyglass eraus a gouf vun der däitscher Musekzäitschrëft Visions als CD vum Mount presentéiert.
No enger längerer kreativer Paus huet Eternal Tango sech 2006 an neier Formatioun, mat neiem Konzept, engem neie Sound a vill musikaleschen Iddien zréckgemellt. De Sound vun Eternal Tango gouf dunn zu engem Mix aus melodeschem a metallic gesprëtztem emotionale Pop-Hardcore. No enger ganz erfollegräicher Serie vu Concerten am August 2006 a Portugal, huet Eternal Tango am November 2006 de bekannten internationale "Battle of the Bands" Contest gewonnen a konnt bei der Taste of Chaos Show zu Köln virun iwwer 3000 Leit optrieden mat Gruppe wéi Underoath, Taking back Sunday, Anti-Flag, Saosin a Fire in the Attic.
De 24. November 2006 huet Eternal Tango zu Esch-Uelzecht an der Rockhal d'Finale Luxembourg vum Printemps de Bourges gewonnen.
De leschten CD vun Eternal Tango heescht "First Round at the Sissi Café" a koum am Abrëll 2007 op de Maart. 2007 koum eng Participatioun um Printemps de Bourges a vill weider international Concerten drun. Ervirzehiewen wieren hei d'Optrëtter bei der Fête de la Musique zu Diddeleng a Rock um Knuedler.
Beim Elie Music Award 2007, deen den 11. Juli an der Rockhal iwwerreecht gouf, ware se 4 mol nominéiert. Hei hu se nieft dem Publikumspräis fir de beschte Live-Optrëtt och nach an der Kategorie "Rock & Pop" en Elie mat heem kënnen huelen.
Am Hierscht 2007 hu se am Kader vun der Taste of Chaos-Europatour ënnert anerem zu Lëtzebuerg an zu Köln gespillt. No engem zweeten Artikel an Visions si bis Februar 2008 CD-Release-Partyen geplangt, wou se hir CD "First Round at the Sissi Café" offiziell an Däitschland virstellen.
Zënter dem 3. Dezember 2007 ass op hirer MySpace-Säit hiren éischten offizielle Videoclip, dee fir hire Song "Narya Narya...So Glad You Found Your Way" opgeholl gouf, ze gesinn. Am Clip wierkt och dat lëtzebuergescht Model Mandy Graff mat.
[änneren] Gielercher
- 2007 Den Elie Music Award an der Kategorie "Best Rock & Pop" souwéi den Publikumspräis fir de beschte Live-Optrëtt.
[änneren] CD's
- 2010 Eternal Tango - Welcome To The Golden City
- 2007 Eternal Tango - First Round at the Sissi Café
- 2004 Split CD - Eternal Tango/Spyglass
