Lëtzebuerger Nationalfeierdag

Vu Wikipedia
Wiesselen op: Navigatioun, sichen

De Lëtzebuerger Nationalfeierdag gëtt all Joer den 23. Juni gefeiert.

Zanter dem Enn vum 19. Joerhonnert gouf den Nationalfeierdag zu Lëtzebuerg um Gebuertsdag vum jeeweilegen Herrscher gefeiert.

Ënner der Herrschaft vun der Groussherzogin Charlotte ass d'Feier op den 23. Januar gefall, also matzen an de Wanter.

Dofir gouf 1961 - aus reng klimatesche Grënn - decidéiert de Groussherzoginsgebuertsdag op den 23. Juni ze verleeën. Dësen Datum gouf dunn zréckbehale wéi de Groussherzog Jean, den 12. November 1964, op den Troun koum. Datt den 23. Juni de Virowend vum Gehaansdag, deemno vum Jean sengem Namensdag, ass, huet och dobäi eng Roll gespillt.

Och ënner dem aktuelle Groussherzog Henri huet deen Datum weiderhi Bestand, och wann elo keng direkt Relatioun méi tëscht dem Datum an dem Monarch besteet.