Nationalmusée fir Geschicht a Konscht

Vu Wikipedia
Wiesselen op: Navigatioun, sichen
Den Nationalmusée fir Geschicht a Konscht um Fëschmaart

Den Nationalmusée fir Geschicht a Konscht, offiziell Musée national d'histoire et d'art (MNHA), dacks vereinfacht Staatsmusée genannt, an der Stad Lëtzebuerg, ass ee vun de Kulturinstituter vum Lëtzebuerger Staat.

Zanter 1939 ass en um Fëschmaart am fréieren Hôtel Colart-De Scherff. An den 1970er Joren goufen d'Haiser vis-à-vis an der Wiltheim Strooss mat abezunn, fir dora konschthandwierklech an Alldags-Géigestänn aus de vergaangene Joerhonnerten auszestellen.

1997 huet de Fonds de la Rénovation de la Vieille Ville en Architekteconcours ausgeschriwwen, fir de Musée ze moderniséieren an ze vergréisseren. De Gewënner, de Christian Bauer, konnt säi Projet realiséieren, deen et erméiglecht huet, d'Ausstellungsfläch ze verduebelen, ouni datt dat op d'Käschte vun den Nopeschhaiser goung. Hien huet de Fiels ënner dem Fëschmaart aushielege gelooss, fir do op 5 Stäck ënner dem Buedem Säll anzeriichten. Virun d'Säitefassad vum Haaptgebai gouf eng nei Fassad gebaut, déi, streng rechteckeg an ouni Fënsteren (bis op d'Entrée), e modernen Accent setzt.

D'Konzept vum Musée ass et z'erméiglechen, d'Chronologie vu Geschicht a Konscht vun ënnen no uewen nozevollzéien. Sou sinn Ur- a Fréigeschicht am ënneschte Keller, um -5 (de fräigeluechte Sandsteen bitt heivir e giedeleche Kader), an d'geet dann erop bis op de 4. Stack, wou d'modern Molerei ënnerbruecht ass.

De Musée ass a senger neier Form den 22. Juni 2002 (iwwer dem Buedem) an den 29. November 2002 (ënner dem Buedem) ageweit ginn.

Direkter ass zanter 2006 de Geschichtsprofesser an Archeolog Michel Polfer.

Direkteren[änneren | Quelltext änneren]

Kuckt och[änneren | Quelltext änneren]

Um Spaweck[änneren | Quelltext änneren]

Commons: Nationalmusée fir Geschicht a Konscht – Biller, Videoen oder Audiodateien