Orbitalplang

Den Orbitalplang ass de Plang am Orbit vun der Ëmlafbunn vun engem Himmelskierper.

Den Orbitalplang vu groussen Himmelskierperen ass meeschtens konstant géigeniwwer dem Inertialraum vun de Fixstären. Bei Mounden a Satellitten ënnerläit en awer däitleche Bunnstéierungen duerch d'Ofplattung vum Zentralkierper.

D'Konstant vum Orbitalplang an der Bunnschréiegt ass nëmme ginn, wann d'Gesetzer vum Kepler ganz gëllen. Dat setzt awer genee kugelfërmeg Planéiten an d'Feele vun enger Atmosphär a vun aneren Kräfte viraus. Besonnesch bei weidere Kierper (Dräikierperproblem) ënnerläit de Bunnenniveau periodeschen a seculaire Verännerungen, déi bei Planéiten e puer Bousekonne pro Joer ausmaache kënnen. Bei klenge Kierper, (Asteroiden, Koméiten) a bei Mounden bzw. Satelliten reeche si vu Bouminutte pro Joer bis zu ville Grad pro Dag.

Bezuchsniveau fir d'Definitioun vun de 6 Kepler-Bunnelementer ass entweder d'Ekliptik oder den Äerdequator. D'Orbitalpläng vun den 8 grousse Planéiten sinn nëmmen 1 bis 3 Grad géint d'Ekliptik gebéit – mat Ausnahm vum Merkur mat 7 Grad.