Étienne Schmit

Étienne Schmit
Gebuer	22. Oktober 1889 Rammerech
Gestuerwen	19. Dezember 1937 Lëtzebuerg
Nationalitéit	Lëtzebuerg
Aktivitéit	Politiker, Affekot
Partei	Radikal-Liberal Partei

Den Étienne Schmit, gebuer den 22. Oktober 1886 zu Rammerech, a gestuerwen den 19. Dezember 1937 an der Stad Lëtzebuerg, war e lëtzebuergesche Jurist a Politiker.

Liewen a Karriär

D'Monument zu Éiere vum Étienne Schmit zu Kietscht

Rond-point zu Kietscht, mam Monument zu Éiere vum Étienne Schmit

Den Étienne Schmit war am Ufank vu senger berufflecher Carrière Affekot um Barreau zu Lëtzebuerg. Duerno gouf hien d'éischt Friddensriichter an duerno Substitut ier hie President vum Tribunal de commerce ginn ass.

Hie war vun 1925 bis 1926 Generaldirekter (Minister) fir Finanzen a Bildung an der Regierung Prüm, vun 1932 bis 1936 Generaldirekter fir Bauten, Handel an Industrie an der Regierung Bech an 1937, vum 5. November bis zu sengem Doud, den 19. Dezember, Minister fir den Interieur, Handel, Industrie an Transport an der Regierung Dupong-Krier.

Hie war och vun 1929 bis 1931 am Gemengerot vun der Stad Lëtzebuerg.

Den Étienne Schmit war de Papp vun der Yvonne Schmit (1910-2003), der Fra vum Lucien Wercollier.

Hien ass um Nikloskierfecht um Lampertsbierg begruewen.

Éierung

Zu Kietscht, um Rond-Point deen no him genannt ass (place Étienne Schmit) steet e Monument mat engem Buste vum Étienne Schmit.

Gielercher

• Commandeur de l'Ordre de la couronne de chêne (Promotioun 1935)
• Grand-Officier vum Ordre de Mérite civil et militaire d'Adolphe de Nassau
• Grand-Croix vum Ordre de la Couronne de Belgique
• Grand-Officier vum Ordre du Christ du Portugal
• Commandeur vun der Légion d'honneur
• Officier d'Académie

Kuckt och

• Lëscht vun de lëtzebuergesche Regierungsmemberen