(3200) Phaethon

Vu Wikipedia
Op d'Navigatioun wiesselen Op d'Siche wiesselen
Asteroid (3200) Phaethon
Den Asteroid (3200) Phaethon, opgeholl de 25. Dezember 2010 mat engem 37 cm F14 Cassegrain Teleskop vum Marco Langbroek.
Orbittyp Apollo-Asteroid
Positioun (Equinoxe: J2000.0)
Grouss Hallefachs 1,2713 A.E.
PerihelAphel 0,1398 – 2,4028 AE
Exzentrizitéit 0,8900
Inklinatioun 22,1804 Grad
Sideresch Ëmlafzäit 523,56 Deeg
Mëttel Bunnvitess 26,42 km/s
Physikalesch Eegenschaften
Duerchmiesser 5,1 km
Mass ? 2 000 kg/m3
Albedo 0,107
Mëttel Dicht ? g/cm3
Rotatiounsperiod 3,6 Stonnen
Absolut Hellegkeet 14,6 mag.
Spektralklass B
Entdecker: IRAS
Entdeckungsdatum 11. Oktober 1983
Aner Bezeechnungen 1983 TB

Den (3200) Phaethon ass en Asteroid aus der Grupp vun den Apollo-Asteroiden. Dat sinn Himmelskierper, deenen hir Bunn d'Äerdbunn vu baussen hier kräizt.

Den Asteroid gouf den 11. Oktober 1983 mam Infrarout-Satellit IRAS entdeckt an nom Phaeton, dem Jong vum griichesche Sonnegott Helios, genannt.

De Phaethon beweegt sech tëscht 0,140 AE (Perihel) an 2,403 AE (Aphel) a ronn 524 Deeg op enger staark elliptescher Bunn ëm eis Sonn. D'Bunnexzentrizitéit ass 0,890, an d'Bunn ass ëm 22,180° géint d'Ekliptik gebéit.

Den Duerchmiesser vum Phaethon ass ongeféier 5,1 km. Hien huet eng donkel Uewerfläch mat enger Albedo vu ronn 0,1. Hie brauch ronn 3 Stonnen an 36 Minutten fir ëm seng eegen Achs ze rotéieren.

Den Asteroid Phaethon kënnt der Sonn verhältnisméisseg zimlech no. Am Perihel erreecht hien dobäi eng Vitess vun 200 km/s (720.000 km/h) an Uewerflächentemperaturen ëm 600 °C. Seng Bunn stëmmt mat der laanggezunnener Stëbswollek iwwereneen, déi de Meteorstroum vun de Geminide verursaacht. Trotzdem weisen Infraroutfotoen, datt seng Uewerfläch anescht ass wéi bei engem Koméit, an aus festem Gestengs besteet. Am Joer 2013 hunn Auswäertunge vun de STEREO-Raumsonde schwaach Zeeche vu Materieemissioune gewisen. Et gëtt ugeholl, datt en Auserneebrieche vum Asteroid den Ursprong vun de Geminide kënnt sinn.[1]

Kuckt och[änneren | Quelltext änneren]

Saturn 01.svg Portal Astronomie

Referenzen[Quelltext änneren]

  1. NASA ScienceCassts: Rock Comet Sprouts a Tail, Youtube, gekuckt den 1. Dezember 2013