FC Déifferdeng 03
| FC Déifferdeng 03 | ||||
| ||||
| Offiziellen Numm: | fr: Football Club Differdange 03 lb: Football Club Déifferdeng 03 | |||
|---|---|---|---|---|
| Spëtznumm: | FCD03 | |||
| Veräinsfaarwen: | Rout, Schwaarz, Wäiss | |||
| Grënnung: | 2003 | |||
| Stadion: | Stade Municipal de la Ville de Differdange, Déifferdeng | |||
| Plazen: | 3 800 | |||
| President: | Fabrizio Bei | |||
| Trainer: | Pascal Carzaniga | |||
| Liga: | BGL Ligue | |||
| Saison: | 2023/24 | |||
| Positioun: | 1. | |||
| ||||
Den FC Déifferdeng 03 ass e lëtzebuergesche Foussballclub vun Déifferdeng. De Veräin ass 2003 aus der Fusioun vun den Déifferdenger Clibb FA Red Boys Déifferdeng an AS Déifferdeng entstanen.
Veräiner an der Zäit
[änneren | Quelltext änneren]Red Boys Déifferdeng
[änneren | Quelltext änneren]
D'F.A. Red Boys Differdange gouf 1907 als Sporting Club Differdange gegrënnt a war ee vun den erfollegräichste Foussballclibb zu Lëtzebuerg. D'Red Boys war véieranzwangegmol an der Finall vun der Coupe de Luxembourg an huet se fofzéngmol gewonnen. De Veräi war sechsmol Lëtzebuerger Champion an eelefmol Vizechampion.
AS Déifferdeng
[änneren | Quelltext änneren]
D'A.S. Déifferdeng (Association Sportive Differdange) gouf 1921 gegrënnt an huet hir éischt Saison 1922/23 gespillt. 1940 huet de Veräi den Numm op FK Rotstern Differdingen missen änneren. D'Joer drop (1941) gouf de Club du vun den Nationalsozialiste ganz verbueden an opgeléist. 1944 ass d'AS Déifferdeng nei gegrënnt ginn.
An hirer leschter Saison 2002/03 koum d'éischt Seniorsekipp op eng sechst Plaz an der éischter Divisioun.
Stadien
[änneren | Quelltext änneren]- Stade Municipal de la Ville de Differdange:
De Stade Municipal de la Ville de Differdange zu Déifferdeng ass den Heemstadion vum FC Déifferdeng 03 an huet Plaz fir 2.400 Leit, dovu sinn 1.800 Sëtzplazen op der Tribün. Nieft dem Haaptterrain sinn op dësem Site nach e weidere Wues- an ee syntheeteschen Trainingsterrain.
- Stade Thillebierg:
E weidere Stadion ass de Stade du Thillenberg, wou den FC Déifferdeng bis 2012 seng Heemmatcher ausgedroen huet.
Erfolleger
[änneren | Quelltext änneren]- Gewënner vun der Coupe de Luxembourg 2010 (1-0 géint den CS Gréiwemaacher)
- Gewënner vun der Coupe de Luxembourg 2011 (1-0 géint den F91 Diddeleng)
- Gewënner vun der Coupe de Luxembourg 2014 (2-0 géint den F91 Diddeleng)[1]
- Gewënner vun der Coupe de Luxembourg 2015 (4-3 n.E. (1-1) géint den F91 Diddeleng)[2]
Europäesch Kompetitiounen
[änneren | Quelltext änneren]Zanter der Saison 07/08 huet den FC Déifferdeng 03 mat deels gudde Resultater un europäesche Kompetitiounen deelgeholl. Nom éischten Optrëtt am UI-Cup geint Slovan Bratislava gouf et de 16. Juli 2009 déi éischt Victoire op internationaler Bün geint d'Kroate vun HNK Rijeka am Stade Josy Barthel. Ab der Saison 11/12 huet den FCD dunn Historesches erreecht. Als éischte lëtzebuergesche Veräin huet d'Ekipp aus der Cité du fer et fäerdeg bruecht, sech dräi Joer hannerenee fir eng weider Ronn an der Europa League ze qualifizéieren. Héichpunkt waren no der Disqualifikatioun vun Olympiakos Volos déi zwéi Matcher géint Paris Saint-Germain (18.08.2011 an 25.08.2011) an der Play-Off Ronn vun der Europa League. De gréissten Erfolleg war awer d'Weiderkomme geint d'Profie vum FC Utrecht an der Saison 13/14.[3],[4]
| Saison | Kompetitioun | Ronn | Géigner | Land | Resultat |
|---|---|---|---|---|---|
| 2017/18 | Europa League Quali | 1R | Zirə FK | Aserbaidjan | 0-2, 1-2 |
| 2016/17 | Europa League Quali | 1R | Cliftonville FC | Nordirland | 1-1, 0-2 |
| 2015/16 | Europa League Quali | 2R | Trabzonspor | Tierkei | 0-1, 1-2 |
| 2015/16 | Europa League Quali | 1R | Bala Town FC | Wales | 3-1, 1-2 |
| 2014/15 | Europa League Quali | 1R | Atlantas Klaipeda | Litauen | 1-0, 1-3 |
| 2013/14 | Europa League Quali | 3R | Tromsø IL | Norwegen | 0-1, 3-4 n.E. |
| 2013/14 | Europa League Quali | 2R | FC Utrecht | Holland | 2-1, 3-3 |
| 2013/14 | Europa League Quali | 1R | KF Laçi | Albanien | 1-0, 2-1 |
| 2012/13 | Europa League Quali | 2R | KAA Gent | Belsch | 0-1, 2-3 |
| 2012/13 | Europa League Quali | 1R | NSI Runavik | Färöer | 3-0, 3-0 |
| 2011/12 | Europa League | Play-Off | Paris Saint Germain | Frankräich | 0-4, 0-2 |
| 2011/12 | Europa League Quali | 3R | Olympiakos Volos | Griicheland | 0-3, 0-3* |
| 2011/12 | Europa League Quali | 2R | Levadia Tallinn | Estland | 0-0, 1-0 |
| 2010/11 | Europa League Quali | 2R | FK Spartak Zlatibor | Serbien | 3-3, 0-2 |
| 2009/10 | Europa League Quali | 2R | HNK Rijeka | Kroatien | 1-0, 0-3 |
| 2007/08 | UI-Cup | 1R | Slovan Bratislava | Slowakei | 0-2, 0-3 |
* Duerch d'Disqualifikatioun vun Olympiakos Volos ass Déifferdeng 03 an d'Play-Off Ronn komm
Trainer
[änneren | Quelltext änneren]
Pascal Carzaniga 2016 -
Marc Thomé 2014 - 2016- Michel Leflochmoan 2012 - 2014
- Paolo Amodio 2011 - 2012
- Maurice Spitoni 2011
- Dan Theis 2009 - 2011
- Roland Schaack 2008 - 2009
- Maurice Spitoni 2006 - 2008
- Dan Theis 2003 - 2006
Futsal
[änneren | Quelltext änneren]Säit 2014 gëtt et och eng FC Déifferdeng 03 Futsalekipp. D'Heemmatcher gi gespillt an der Haal vum Centre sportif Parc des Sports direkt nieft dem Stade Municipal. Den FCD03 war 2015 éichte Lëtzebuergesche Landesmeeschter am Futsal.
Kuckt och
[änneren | Quelltext änneren]
Portal Sport- Lëscht vu lëtzebuergesche Sportler
- Lëscht vu lëtzebuergeschen Olympionicken
- Lëtzebuergesch Sportler vum Joer
