Andromeda (Stärebild)

Date vum Stärebild Andromeda
Numm	Andromeda
Laténgeschen Numm	Andromeda
Laténgesche Geenitiv	Andromedae
Laténgesch Ofkierzung	And
Rektaszensioun	22h 57m bis 2h 40m
Deklinatioun	+53°20' bis +21° 35'
Fläch	722 Quadratgrad Rang 19
Siichtbar op de Breetegraden	90° Nord bis 37° Süd
Observatiounszäitraum fir Mëtteleuropa	Hierscht
Stäre mat der Gréisst < 3m	3
Hellste Stär	α Andromedae (Alpheratz),2,06m
Nopeschstärebiller (vun Norden am am Auerzäresënn)	Cassiopeia Lacerta Pegasus Pisces Triangulum Perseus
Stärebild Andromeda
Stéch vum Stärebild Andromeda
Stärebezeechnungen

D'Andromeda ass e Stärebild vum nërdleche Stärenhimmel.

Et ass eent vun de bekanntste Stärebiller, well an dësem Stärebild mat der Spiralgalaxie M 31, dem Andromedaniwwel, d'Nopeschgalaxie vun eiser Mëllechstrooss läit.

Beschreiwung

D'Andromeda besteet aus enger Kette vu véier Stären, déi vum Pegasus-Rechteck ausginn. Déi dräi hellst Stären, Alamak, Mirach a Sirrah, leie souzesoen op enger Linn.

Ënner gënschtegen Observatiounsbedingungen ass nërdlech vun der $\delta$ Andromeda en Niwwelfleck z'erkennen, dee schwaach liicht: d'Galaxie M 31, och als Andromedaniwwel bekannt. Déi siichtbar Stäre vum Stärebild gehéieren zu eiser Galaxis a sinn net méi wäit wéi ronn 1.000 Liichtjoer ewech. D'Distanz zum Andromedaniwwel läit dogéint bei ronn 2,7 Millioune Liichtjoer.

Geschicht

D'Andromeda ass eent vun den 48 klassesche Stärebiller aus der Antiquitéit, déi vum Ptolemäus beschriwwe goufen.

Benannt gouf d'Stärebild no der Andromeda, enger Prinzessin aus der griichescher Mythologie.

Stären

B	F	Numm o. aner Bezeechnungen	m	Lj	Spektralklass
α	21	Sirrah, Alpheratz	2,06	97	B8 IV
β	43	Mirach, Mirakh, Merak, Mirar, Mirath, Mirax, El Mizar, Al Mizar	2,07	199	M0 IIIa
γ1,2	57	Alamak	2,26	355	K3 /B9 /B9
δ	31		3,27	101	K3 III
	51		3,59	174	K3 III
ο	1		3,62	692	B6 III
λ	16		3,81	84	G8 III
μ	37		3,86	136	A5 V
ζ	34		4,08	181	K1 IIe
υ	50		4,09	44	F8 V
κ	19		4,15	170	B9 IV
φ	42		4,26	740	B6 IV + B9 V
ι	17		4,29	503	B8 V
ε	30		4,34	169	G6 III
π	29		4,34	660	B5 V + F8 V
η	34		4,40	243	G8 IIIb
σ	25		4,51	141	A2 V
ν	35		4,53	680	B5 V + F8 V
	7		4,53
θ	24		4,61	253	A2 V
	3		4,64
	65		4,73
	58		4,78
	8		4,82
ω	48		4,83	92	F5 V
b	60		4,84
ξ	46	Adhil	4,88	196	K0 IIIb
τ	53		4,96	680	B8 III
ψ	20		4,97	1310	G5 Ib + A0 V
χ	52		5,01	242	G8 III
	22		5,01
	41		5,04
	2		5,09
ρ	27		5,16	160	F5 III

De βAndromedae steet op enger Distanz vun 200 Liichtjoer vun der Äerd. Et ass e Roude Ris mat engem 30fachen Duerchmiesser vun der Sonn.
Den Numm Mirach huet en arabeschen Ursprong a bedeit souvill wéi, "d'Hëften".

Duebelstären

System	m	Ofstand
α	2,1 / 11,8
γ	2,2 / 5,0 / 5,5	9,6"en
π	4,5 / 8,8	36"
56 And	5,7 / 5,9	200"
59	6,0 / 6,5	16,6"

Den hellste Stär an der Andromeda ass den Alpheratz (α Andromedae). Et handelt sech ëm een Duebelstäresystem op enger Distanz vun 97 Liichtjoer. De blowäissen Haaptstär huet déi 110fach Liichtkraaft vun eiser Sonn. Et ass ee verännerleche Stär vum Typ Alpha2-Canum-Venaticorum. Hie gëtt vun engem liichtschwaache Stär vun der 11. Gréissteklass begleet.

De γ Andromedae ass een Dräifachstäresystem op enger Distanz vun 355 Liichtjoer. Den orange liichtenden Haaptstär huet den 80fache Duerchmiesser an déi 2.000fach Liichtkraaft vun eiser Sonn. Hie gëtt vun zwéi bloe Stäre mat der 5. Gréissteklass begleet, déi ganz enk zesummestinn. Den arabeschen Numm Alamak bedeit „Wüsteluchs“.

De System 56 And läit 250 Liichtjoer wäit ewech a besteet aus zwéi Stäre mat de Spektralklasse K0 a K4. De System weist, vun der Äerd aus gesinn, e groussen Ofstand vun 200 Bousekonnen.

59 And besteet aus zwéi Stäre vun de Spektralklasse B9 an A1. De System ass 300 Liichtjoer vun eiser Sonn ewech.

Och den Adhil, oder Xi Andromedae genannt, ass en Duebelstär am Stärebild Andromeda.

Verännerlech Stären

Stär	m	Period	Typ
α	2,02bis 2,06	23,19 Stonnen	kuerzperiodesch Verännerlecher
λ	3,69 bis 3,97	54,2 Deeg	RS-Canum-Venaticorum-Stär
ζ	3,92 bis 4,14	54,2 Deeg	RS-Canum-Venaticorum-Stär
R	5,8 bis 14,9	409 Deeg	Mira-Stär

Den R Andromedae ass e verännerleche Stär vum Typ Mira, deen iwwer en Zäitraum vu 409 Deeg seng Hellegkeet ännert. Am Maximum erreecht hien eng Hellegkeet vu 5,8^m a kann, ënner gënschtege Bedingungen, just nach mat bloussem A gesi ginn. Am Minimum fält seng Hellegkeet op 14,9^m erof. Eng Observatioun ass dann nëmmen nach mat engem Teleskop méiglech.

Messier- an NGC-Objeten

Messier (M)	NGC	aner	Gréisst	Typ	Numm
31	224		4m	Galaxie	Andromedaniwwel
32	221		8	Galaxie
110	205		8	Galaxie
	752		8,5	Oppene Stärekoup
	891		10	Galaxie
	7662		8,5	Planetareschen Niwwel

Den M31, den Andromedaniwwel, ass mat enger Distanz vu ronn 2,7 Millioune Liichtjoer déi nooste Spiralgalaxie. Si ka scho mat bloussem A als niwweleche Fleck gesi ginn.

De M32 ass eng kleng Begleetgalaxie vum Andromedaniwwel.

De M 110 ass och eng Begleetgalaxie vum Andromedaniwwel. Entdeckt gouf si am Joer 1773 vum Charles Messier.

Den oppene Stärekoup NGC 752 läit op enger Distanz vun 1.500 Liichtjoer a gouf 1786 vum Wilhelm Herschel entdeckt.

Op 40 Mio. Liichtjoer Distanz läit d'Spiralgalaxie NGC 891. Si gouf am Joer 1783 vum Caroline Herschel entdeckt. Vun der Äerd aus gesi mer d'Galaxie op d'Kant, soudatt si als längelzegen Niwwel erschéngt.

De planetareschen Niwwel NGC 7662 gouf 1784 vum Wilhelm Herschel entdeckt. Et handelt sech ëm d'Reschter vun engem Stär op enger Distanz vu 4.000 Liichtjoer.

Kuckt och

Portal Astronomie

• Lëscht vu Stärebiller
• ABC vun de Stären
• Void

Um Spaweck

Commons: Andromeda (constellation) – Biller, Videoen oder Audiodateien