Biergerkräiz

Biergerkräiz
Biergerkräiz
	Uertsschëld mat falscher Schreifweis
Aussprooch
An anere Sproochen	de: Bürgerkreuz
Land	Lëtzebuerg
Kanton	Capellen
Gemeng	Koplescht
Buergermeeschter	Thierry Schuman
Koordinaten	49° 38’ 46.8’’ N; 06° 05’ 54.5’’ O

Dësen Artikel beschäftegt sech mat dem Lieu-dit um Bord vum Bambësch. Fir d'Plaz am Gréngewald, kuckt wgl. Biergerkräiz (Gréngewald).

D'Biergerkräiz ass e Lieu-dit um südëstleche Wupp vun der Gemeng Koplescht, op der Grenz mat de Gemenge Lëtzebuerg a Walfer.

Geographie

De Lieu-dit Biergerkräiz läit op enger Héicht vun ca. 373 m, tëscht dem Bambësch am Süden an dem Roudebësch am Norden. Am Rond-Point stéisst den CR215 deen aus dem Rollengergronn kënnt, op den CR181 dee vum Briddel op Bäreldeng féiert.

Um Biergerkräiz sinn um Gebitt vun der Gemeng Koplescht e puer Haiser déi deelweis verlooss sinn, e Steebroch mat engem Depot fir Bauschutt an e Restaurant. Um Territoire vun der Gemeng Walfer steet eng Hal mat Atelieren a Büroen déi zum Steebroch gehéieren.

Nieft der Parkplaz steet en hëlzent Weekräiz.