Campus Geesseknäppchen

Loftopnam vum Campus (2017)

De Campus Geesseknäppchen ass e Schoulcampus an der Stad Lëtzebuerg, op deem aacht Schoule stinn.

De Campus Geesseknäppchen huet säin Numm vum Lieu-dit Geesseknäppchen zu Hollerech. E läit riets nieft der Escher Autobunn, wann een aus der Stad eraus fiert.

Um Campus Geesseknäppche sti follgend Schoulen:

• Athénée de Luxembourg (AL)
• Conservatoire de musique de la ville de Luxembourg
• École de commerce et de gestion - School of business and management (ECG)
• École internationale Gaston Thorn (EIGT)
• École nationale pour adultes (ENAD)
• International School of Luxembourg (ISL)
• Lycée Aline-Mayrisch (LAML)
• Lycée Michel-Rodange (LMRL)

Dat faarwegt Gebai a Form vun enger stiliséierter Blumm dat zanter 2012 um Campus steet, war als Provisorium fir de Kolléisch gebaut ginn, fir déi Zäit wärend där d'Gebai aus den 1960er Jore renovéiert gouf. Aktuell^{(September 2022)} sinn d'EIGT an d'ENAD am Gebai.

Zum Campus gehéieren och zwéi syntheetesch Foussballterrainen, eng Schwämm, fënnef Turnhalen an eng Lafbunn.

Fotoalbum

• 
  La Rampante (1962) vum Lucien Wercollier um Campus. Hanne riets: de Kolléisch (AL)
• 
  De Forum um Campus Geesseknäppchen (2022)

Um Spaweck

Commons: Campus Geesseknäppchen – Biller, Videoen oder Audiodateien