Catalpa am Eecher Bierg

Catalpa am Eecher Bierg
Catalpa am Eecher Bierg
	De Catalpa am Eecher Bierg (Januar 2024)
Kategorie	Bemierkenswäert Beem zu Lëtzebuerg
Land	Lëtzebuerg
Gemeng	Lëtzebuerg
Plaz	Lampertsbierg
Adress	36A, Eecher Bierg,1450 Lëtzebuerg
Koordinaten	49°37'18,98"N, 6°7'49,87"O
Bamaart	Catalpa
Héicht	12,5 m (2023)
Duerchmiesser	0,95 m (2023)
Ëmfang	2,98 m (2023)

Lag vum bemierkenswäerte Bam

De Catalpa am Eecher Bierg, ass e Catalpa an der Stad Lëtzebuerg, deen zu de bemierkenswäerte Beem zu Lëtzebuerg gehéiert.

Lokalisatioun

De Bam steet am „Englesche Gaart“, laanscht dem Eecher Bierg am Quartier Lampertsbierg vun der Stad Lëtzebuerg.

Geschicht

De Bam dee laanscht dem Eecher Bierg steet, hat am Laf vun der Zäit keng Problemer fir sech z'entwéckelen. Déi kleng Plaz op där et steet, am Volleksmond „Englesche Gaart“ genannt, gouf tëscht 1868 an 1880 ugeluecht, wéi d'Festung geschleeft gouf. Et ass unzehuelen, datt de Bam deemools mat geplanzt gouf.

Säi Stamm deelt sech an zwéin imposant Haaptäscht, déi sech selwer nees an zwéin oder dräi grouss Äscht splécken. Déi onreegelméisseg Kroun, déi schuppeg Schuel an déi vill Ausbuchtungen, déi wärend dem laange Liewen entstane sinn, loossen de Bam wéi eng Skulptur ausgesinn.

D'Catalpae kommen aus Nordamerika a produzéieren zimmlech spektakulär Friichten. Den Exemplar am Eecher Bierg kritt leider just nach op enger Säit Bléien a Friichten. An den Huelraim vum Bam hu sech eng Rëtsch Insekten, Vullen a Kaweechelcher néiergelooss.

Eng Partie Stäipen a Seeler halen d'Äscht vum Bam fest.

Entwécklung

De Bam steet zënter 2023 an der Lëscht vun de bemierkenswäerte Beem zu Lëtzebuerg.

Ongeféier Moosse vum Bam (m)
Joer	$U$	$d$	$h$
2023	2,98	0,95	12,5

Biller

De Catalpa am Eecher Bierg am Laf vum Joer
Wanter (2023-24)
Fréijoer (2024)
Summer ()
Hierscht ()

Literatur

Murat, Danièle et al. Les arbres remarquables du Grand-Duché de Luxembourg. [3^e parution revue et adaptée]. Diekirch: ANF, 2023. Print. ISBN 978-2-9199474-3-0 (Text a Foto S. 164-165)

Um Spaweck

Commons: Catalpa am Eecher Bierg – Biller, Videoen oder Audiodateien

Referenzen an Notten

Quell vum Artikel wou net anescht uginn: (Les) Arbres remarquables… an der Literatur