Eagle (Marskrater)

Eagle (Marskrater)
De Krater mat der Landeplattform, Foto opgeholl mam Mars-Rover Opportunity
Eegenschaften
Regioun	Meridiani Planum
Koordinaten	1,95° S, 354,47° O
Duerchmiesser	22 Meter
Alter	?
Entdecker	Opportunity
Genannt nom	Eagle

Den Eagle ass en Impaktkrater um Planéit Mars um Meridiani Planum am Margaritifer Sinus-Gradfeld (MC-19). En ass 22 Meter laang an 3 Meter déif. De Mars-Rover Opportunity war 2004 an dësem Krater gelant. Moossresultater vun Opportunity hu bestätegt, datt de Meridani Planum e Buedem vun engem Ozean war.

Numm

Den Numm vum Krater Eagle huet dräi Urspréng:

Zu Éiere vun der éischter bemannter Moundlandefär (Raumfaartmissioun Apollo 11, och Eagle genannt).
Zu Éiere vun der USA, deenen hiert Wopendéier de Wäisskappséiadler ass.
Eagle ass zudeem e Begrëff aus dem Golfsport fir wann e Golfer de Ball mat 2 Schléi ënner Par an d'Lach schloe kann.

Entdeckungen am Krater

D'Wëssenschaftler vun der Opportunity-Missioun ware begeeschtert vun der Heefegkeet vun den Fielsopschlëss am Krater. De Kraterbuedem ass aus wëssenschaftlecher Siicht ganz interessant, well hie besteet aus enger Méschung vu graffe groe Kären a renge roudelzege Kärecher. Bei geneeën Ënnersich vun de fangerdecke Opschlëssgestengsloe bestätegt sech d'Meenung, datt de Meridiani Planum fréier e schwaacht sauer a salzhaltegen Ozean war.^[1] D'Erkenntnesser iwwer dëst Gebitt konnten dräi Méint méi spéit bestätegt ginn, wou den Opportunity den däitlech méi groussen Endurance-Krater ëstlech vum Eagle opgesicht hunn.