Fernand Wark
| Fernand Wark | |
|---|---|
| Gebuer |
1. September 1916 Neimillen |
| Gestuerwen | 15. November 1994 |
| Nationalitéit | Lëtzebuerg |
| Aktivitéit | Sänger |
| Famill | |
| Bestuet mat | Colette Hoffmann |
 | |
De Ferdinand Jean Wark genannt Fernand, gebuer den 1. September 1916 op der Neimille bei Bilschdref, a gestuerwen de 15. November 1994 an der Stad Lëtzebuerg, war e lëtzebuergesche Sänger, Kabarettist a Schauspiller.
Vu Beruff war de Fernand Wark Bäcker a Reesender. Bekannt gouf en duerch seng Optrëtter an der Revue a bei den Zéiunge vun der Nationallotterie, dacks zesumme mat senger Fra Colette Hoffmann, als Duo Colette a Fernand (tëscht 1957 an 1992). Hire leschten Optrëtt hate se de 4. Abrëll 1992 zu Waasserbëlleg. Hien ass och Auteur vu Sketcher a Liddertexter.
Wierker
[änneren | Quelltext änneren]- De Jangli fiert den Houwald erop (1951; 1964 als Plack erauskomm)
- Ech drénke gier mäi Pättchen (1966, Musek vum Greg Denis)
- D'Hechtercher aus der Stad (1965)
- Hei kann ech net bleiwen (1966)
- Mir sinn um Dill (1966; Text: Pir Kremer, Musek: Josy Meisch)
- D'Footballslidd (1967)
- Neen déi Schnëss (1970)
- De' Freschen/De Brédewé an d'Sichegâss
- Wann é lâcht... 1-9 (Singele mat Witzer a Sketcher)
- Lëtzebuerger Spezialitéiten (2 Vol. 1976 an 1978)
- Déi schéinst Märercher vun de Bridder Grimm (2 Vol. 1977 an 1979)
- Dee klenge Bistrot (Adaptatioun vum Pierre Kartner sengem Het kleine café aan de haven)
- Colette a Fernand sangen hir bescht Lidder (1993)
- Lëtzebuerger Sketscher (1996)