Gedenkplack fir d'Lëtzebuerger Fraen am Reichsarbeitsdienst

Gedenkplack fir d'Lëtzebuerger Fraen am Reichsarbeitsdienst

Typ	Gedenkplack
Land	Lëtzebuerg
Gemeng	Lëtzebuerg
Plaz	Gare Lëtzebuerg
Koordinaten	49°35'59,309"N, 6°8'2,029"O
Ageweit	18. Oktober 2020
Material	Bronz

D'Gedenkplack fir d'Lëtzebuerger Fraen am Reichsarbeitsdienst ass eng Gedenkplack an der Verrière vun der Gare an der Stad Lëtzebuerg. Si erënnert drun, datt d'Nazien am Zweete Weltkrich 3.614 Lëtzebuerger Meedercher a Fraen haaptsächlech vun der Stater Gare aus an Däitschland gefouert hunn, wou se am Reichsarbeitsdienst (RAD) oder Kriegshilfsdienst (KHD) hu misse schaffen.

D'Plack gouf am Kader vum Nationale Kommemoratiounsdag den 18. Oktober 2020 vum Grand-Duc Henri a Presenz vum Premier Xavier Bettel an der Maisy Ginter-Bonichaux devoiléiert. D'Maisy Bonichaux ass eng vun de Iwwerliewenden, déi zum "Ehrendienst am deutschen Volk" gezwonge gi war.

Den Text op der Plack ass deen heiten:

AM ZWEETE WELTKRICH SINN 3614 JONK

LËTZEBUERGER FRAE VUN DEN NAZIEN

AN DE „REICHSARBEITSDIENST”

GEZWONGE GINN. ZUM GRÉISSTEN

DEEL GOUFE SI VUN DËSER GARE AUS

AN DÄITSCHLAND TRANSPORTÉIERT.

58 FRAE SINN AN DER FRIEMD

GESTUERWEN.

Drënner steet den Text op Franséisch.

Biller

• 
  Zeremonie an der Gare
• 
  Ried vum Premier Xavier Bettel...
• 
  ...a vun der Presidentin vum Comité pour la mémoire de la Deuxième Guerre mondiale
• 
  D'Plack gëtt devoiléiert

Literatur

• John Lamberty, „Schuften für den Führerstaat”, Luxemburger Wort 17. Oktober 2020, S. 42 an op wort.lu ënnert dem Titel „Luxemburger RAD-Mädchen: Frauen in Feindeshand”

Kuckt och

• Lëtzebuerg am Zweete Weltkrich
• Centre de documentation et de recherche sur l'enrôlement forcé
• Monumenter vum Zweete Weltkrich zu Lëtzebuerg

Um Spaweck

Commons: Gedenkplack fir d'Lëtzebuerger Fraen am Reichsarbeitsdienst – Biller, Videoen oder Audiodateien

• Den Temoignage vun der Madamm Marie Bonichaux op rtl.lu den 18. Oktober 2020