Jacques Leurs

Vu Wikipedia
Op d'Navigatioun wiesselen Op d'Siche wiesselen
Jacques Leurs
Gebuer 31. Januar 1910
Gestuerwen 1968
Nationalitéit Lëtzebuerg
Aktivitéit Politiker, Eisebunner, Gewerkschaftler
Wikidata-logo-without-paddings.svg

De Jacques Charles ("Jeek") Leurs, gebuer den 31. Januar 1910 zu Ilambi (dunn Belsche Kongo) a gestuerwen 1968, war e lëtzebuergesche Politiker (LSAP), Eisebunner a Gewerkschaftler. Hie war och bekannt dofir, deen éischte Lëtzebuerger mat schwaarzer Hautfaarf gewiescht ze sinn.[1]

Seng Eltere waren de Charles Leurs, deen am Kongo bei der Compagnie du Lomamie, enger Kautschuksfabrek, geschafft huet, an eng kongolesesch Fra, d'Tchaussi. Wéi de Jacques zwee Joer hat, huet säi Papp hien op Lëtzebuerg bruecht, wou e vun do u bei de Grousselteren am Pafendall opgewuess ass.

Hie gouf 1947 Éischte Sekretär vum Verwaltungsrot vun der Lëtzebuerger Eisebunn, a war am Landesverband (Trésorier) an an der Confédération internationale des syndicats libres aktiv. An der leschtgenannter huet hie sech agesat, d'Gewerkschaftsbeweegungen an Afrika virunzebréngen.

Aussereeem war hie Member vum Stater Gemengerot a Generalsekretär vum Comité olympique et sportif luxembourgeois.

Hien ass kuerz virun de Chamberwale vun 1968, fir déi e Kandidat war, un de Suitë vun Diabetes gestuerwen.

De Jacques Leurs war bestuet mat der Léonie Reinert.

Literatur[änneren | Quelltext änneren]

  • Fränz Hausemer: "Des lettres et un bébé noir." in: forum 381, Februar 2018, S. 50-54.

Film[änneren | Quelltext änneren]

Referenzen[Quelltext änneren]

  1. Quell, wou net anrescht uginn: Hausemer (2018) an der Literatur.