Op den Inhalt sprangen

Kanton Veianen

Vu Wikipedia
Kanton Veianen
Land Lëtzebuerg
Chef-lieu Veianen
Gemengen Tandel, Pëtschent, Veianen
Fläch 78,52 km²
Awunner 5.680
Héicht (Moyenne) 372 m


De Kanton Veianen ass ee vun den zwielef Lëtzebuerger Kantonen. Et ass flächeméisseg de klengste Kanton a am Nordoste vum Land.

E grenzt am Norden un de Kanton Klierf, am Osten un Däitschland an am Westen a Süden un de Kanton Dikrech.

Déi dräi Gemengen am Kanton sinn:

Kanton Veianen
LAU-Code Gemeng Fläch (km²)[1]
LU0901 Tandel 41,72
LU0902 Pëtschent 27,13
LU0903 Veianen 9,67
Fläch vum Kanton 78,52

De Kanton Veianen gouf duerch Gesetz vum 4. Abrëll 1851[2] als zwielefte Kanton vu Lëtzebuerg an d'Liewe geruff.

De Kanton huet sech aus der Stad Veianen, an aus der Gemeng Furen, déi allebéid virdrun zum Kanton Dikrech gehéiert hunn, an aus der Gemeng Pëtschent déi zum Kanton Klierf gehéiert huet, zesummegesat.

Gläichzäiteg krut Veianen e Friddensgeriicht a gouf Kantonalhaaptuert.

Bei der Fusioun vun de Gemenge Baastenduerf, aus dem Kanton Dikrech, a Furen, aus dem Kanton Veianen, zu der neier Gemeng Tandel, huet d'Fläch vum Kanton sech den 1. Januar 2006 ëm ronn 24 km² vergréissert[3].

Referenzen

[Quelltext änneren]
  1. Subdivisions territoriales (Situation au 1er janvier 2018). lustat.statec.lu (01.01.2018). Gekuckt de(n) 20.11.2022.
  2. Loi du 4 avril 1851, N° 310, portant établissement d'un canton de justice de paix à Vianden. legilux.public.lu (11.04.1851). Gekuckt de(n) 24.08.2020.
  3. Loi du 21 décembre 2004 portant fusion des communes de Bastendorf et de Fouhren. legilux.public.lu (31.12.2004). Gekuckt de(n) 19.07.2020.