Justice de paix (Lëtzebuerg)
(Virugeleet vu(n) Friddensgeriicht (Lëtzebuerg))
| Justice de paix | |
|---|---|
.jpg) D'Friddensgeriicht am Gebai JP an der Cité judiciaire | |
| Land | Lëtzebuerg |
| Um Spaweck | https://justice.public.lu/fr/organisation-justice/juridictions-judiciaires/justices-paix.html |
 | |
D'Friddensgeriicht ((fr) Justice de paix) gehéiert zur Uerdentlecher Geriichtsbarkeet an ass den ënneschten Niveau vun de Geriichtsinstitutioune vun der Lëtzebuerger Justiz.
Et gëtt Friddensgeriichter an der Stad Lëtzebuerg, zu Dikrech an zu Esch, deenen hir Kompetenz geographesch ass. Vu 1795 bis 1972 gouf et där awer souguer an all Kanton.
Déi warscheinlech gréisst Eegenaart vum Friddensgeriicht ass, datt een do keen Affekot brauch. Et gëtt och kee Riichterkollegium, et sëtzt ëmmer nëmmen een eenzege Riichter. D'Verhandlunge sinn alleguer mëndlech.
Tribunaler um Friddensgeriicht
[änneren | Quelltext änneren]Et gëtt um Friddensgeriicht 3 verschidden Tribunaler:
- De Friddenstribunal, deen der Institutioun den Numm gëtt, ass am Prinzip fir all d'Affären zoustänneg vun engem Wäert ënner 15.000 Euro. Donieft huet de Friddensriichter eng Rei exklusiv Kompetenzen ouni Wäertbegrenzung, déi d'Gesetz him gëtt (z. B. Ordonnances de paiement, an Affäre wou et ëm Bail à loyer, Saisie-arrêten, oder Alimenter baussent Scheedungs- oder Trennungsprozedure geet). Bei engem Sträitwäert bis zu 2.000 € gëtt et ausser a Spezialfäll kee Recours, driwwer ass den Appell um Bezierksgeriicht.
- D'Aarbechtsgeriicht ass – ouni Limitt vum Sträitwäert – fir all d'Affären zoustänneg an deenen et ëm en Aarbechtsverhältnes geet. Nieft dem Riichter sëtzen do och zwéin Assesseuren. Am sougenannte Référé travail sëtzt de President vum Aarbechtsgeriicht nees eleng a ka verschidde provisoresch Mesuren ordonéieren. Bei engem Sträitwäert bis zu 1.250 € gëtt et kee Recours, driwwer ass den Appell op der Cour d'appel vum Ieweschte Geriichtshaff.
- An all Friddensgeriicht hunn een oder e puer Riichteren d'Funktioun vun engem Policeriichter (juge de police) D'Policegeriicht besteet aus engem Policeriichter an engem Vertrieder vum Ministère public an ass virun allem fir Verstéiss, mä och fir verschidden Delikter zoustänneg.
Geographesch Kompetenzen
[änneren | Quelltext änneren]Déi territorial Kompetenz vun de Friddensgeriichter ass vum Gesetz festgeluecht[1].
Méi Informatioun doriwwer am Artikel: Geriichtsbezierk (Lëtzebuerg).
Statistik[2]
[änneren | Quelltext änneren]| Nei Affären | Dikrech | Esch-Uelzecht | Lëtzebuerg | |||
|---|---|---|---|---|---|---|
| 2022 | 2023 | 2022 | 2023 | 2022 | 2023 | |
| Zivil a kommerziell Affären | 209 | 217 | 598 | 672 | 1.107 | 1.054 |
| Référé (zivil Affären) | 2 | 2 | 2 | 3 | 7 | 8 |
| Bail | 300 | 295 | 653 | 662 | 710 | 890 |
| Aarbechtsrechtlech Affären | 139 | 126 | 243 | 291 | 764 | 760 |
| Référé (Aarbechtsrecht) | 34 | 31 | 121 | 130 | 156 | 212 |
| Saisie-arrêten (Paien an Alimenter) | 1.885 | 1.727 | 3.677 | 3.792 | 3.692 | 3.658 |
| OP (Ordonnance pénale) | 14.508 | 15.741 | 32.214 | 33.103 | 23.894 | 27.971 |
| IPA (Injonction de paiement européenne) | 21 | 29 | 37 | 80 | 157 | 230 |
| Kleng Litigen | 59 | 62 | 268 | 208 | 678 | 737 |
| Decisiounen déi geholl goufen | Dikrech | Esch-Uelzecht | Lëtzebuerg | |||
|---|---|---|---|---|---|---|
| 2022 | 2023 | 2022 | 2023 | 2022 | 2023 | |
| Zivil a kommerziell Affären | 176 | 183 | 444 | 470 | 711 | 653 |
| dovun: Alimenter | - | - | 3 | 1 | - | |
| Référé (zivil Affären) | 5 | - | 3 | 2 | 6 | 12 |
| Bail | 295 | 289 | 514 | 513 | 612 | 604 |
| Aarbechtsrechtlech Affären | 128 | 133 | 204 | 180 | 543 | 544 |
| Référé (Aarbechtsrecht) | 25 | 25 | 66 | 86 | 82 | 95 |
| Policegeriicht | 273 | 298 | 354 | 270 | 681 | 644 |
| Autoriséiert Saisie-arrêten | 1.875 | 1.723 | 3.666 | 3.773 | 3.494 | 3.490 |
| Urteeler an Affären iwwer Saisie-arrêten op Paien | 566 | 500 | 1.147 | 1.149 | 965 | 828 |
| OPA (Ordonnance de paiement) | 14.442 | 15.530 | 31.831 | 33.100 | 22.643 | 26.682 |
| OP (Ordonnance pénale) | 642 | 526 | 2.452 | 2.509 | 3.367 | 3.918 |
| IPA (Injonction de paiement européenne) | 29 | 44 | 36 | 128 | 218 | 277 |
| Kleng Litigen | 34 | 42 | 151 | 107 | 263 | 201 |
Um Spaweck
[änneren | Quelltext änneren]- Websäit vun de Friddensgeriichter
- Répertoire des localités fir dat regional kompetent Geriicht ze fannen
Referenzen
[Quelltext änneren]- ↑ (fr)Loi du 7 mars 1980 sur l'organisation judiciaire Chapitre I. - Des justices de paix - Art. 1er. legilux.public.lu (07.03.1980). Gekuckt de(n) 04.12.2024.
- ↑ (fr)La justice en chiffres 2023. justice.public.lu Vll. Justices de paix, S. 69-70. Service communication et presse de la justice (SCPJ) (08.08.2024). Gekuckt de(n) 04.12.2024.