Kierch Iermsdref

Vu Wikipedia
Op d'Navigatioun wiesselen Op d'Siche wiesselen
Kierch vun Iermsdref
Uertschaft / Plaz Iermsdref
Par Mëllerdall
Saint-Michel
Dekanat Zentrum
Koordinaten 49° 49’ 42.2’’ N
06° 13’ 17.9’’ O
Kierchen - Kapellen

D'Kierch zu Iermsdref ass eng kathoulesch Kierch déi zur Par Mëllerdall Saint-Michel, zum Dekanat Zentrum an zu der Gemeng Ärenzdall gehéiert.

D'Kierch huet als Patrozinium d'Verherrlechung vum Hellege Kräiz.

Se steet an der Gilsduerferstrooss, dem CR356, direkt nieft der Wäisser Iernz bei der Bréck.

Zur fréierer Par Miedernach gehéieren ausser der Kierch zu Iermsdref och nach d'Parkierch vu Miedernach an d'Kapell vu Suewelbur.

Den Héichaltor[änneren | Quelltext änneren]

Den Haaptaltor ass aus Steen, wat ganz aussergewéinlech ass. Munneches weist drophin, datt dem Héichaltor aus de Joer 1592 seng Originnen op den Atelier vum Sculpteur Hans Rupprecht Hoffmann weisen.
Eng Signatur "AD" um ënneschten Deel vum Kräiz kënnen d'Initiale sinn vum A. Durner, engem Sculpteur, deen ëm 1600 zu Lëtzebuerg geschafft huet.

D'Uergel[änneren | Quelltext änneren]

Um Duxall steet eng Uergel vun der Uergelmanufaktur Georg Westenfelder mat 624 Päifen. Se gouf den 21. Oktober 2001 ageweit.

Well den Duxall net déif genuch ass, war et net einfach eng Uergel fir déi Kierch ze plangen. Virgesi war en Instrument mat engem Manual. A Gespréicher tëscht dem Georg Westenfelder, den Iermsdrefer Uergelfrënn an hirem Beroder, dem Carlo Hommel gouf sech dunn op e System mat Wiesselschläif gëeenegt, deen et erlaabt, mat Hëllef vun zwou Klaviaturen an e puer technesche Konschtgrëffer, all eenzele Regëster op deem engen oder deem anere Manual ze spillen.
Sou gouf d'Uergel an d'Gelänner vum Duxall agebaut, an de Spilldësch ass an d'Instrument integréiert.
De Miwwel ass aus massivem Eechenholz, dat just gewichst ass.

Kuckt och[änneren | Quelltext änneren]

Um Spaweck[änneren | Quelltext änneren]

Commons: Kierch Iermsdref – Biller, Videoen oder Audiodateien