Kierch Waldbriedemes

Vu Wikipedia
Op d'Navigatioun wiesselen Op d'Siche wiesselen
Kierch vu Waldbriedemes
Parkierch vu Waldbriedemes (2015)
Parkierch vu Waldbriedemes (2015)
Uertschaft / Plaz Waldbriedemes
Par Waldbriedemes
Dekanat Réimech
Numm / Patréiner Hl. Sebastian
Koordinaten 49° 33’ 22.9’’ N
06° 17’ 14.3’’ O
Kierchen - Kapellen
Banneraum vun der Kierch

D'Kierch zu Waldbriedemes ass eng kathoulesch Kierch déi zur Par Waldbriedemes, zum Parverband Réimech, Duelem, zu der Pastoralregioun Osten, zum Dekanat Réimech an zu der Gemeng Waldbriedemes gehéiert.

De Patréiner vun der Kierch ass den hellege Sebastian, deem säi Fest den 20. Januar gefeiert gëtt.

D'Kierch steet an der rue de l'École, net wäit vun der Kräizung mat der Haaptstrooss, dem CR148.

Se ass zanter dem 27. Mee 1963 als Nationaalt Monument klasséiert.

Gebai[änneren | Quelltext änneren]

De romaneschen Tuerm vun der Waldbriedemesser Kierch ass ëm 1100 entstanen.

Ëm 1450 ass dat spéitgotescht Kiercheschëff gebaut ginn.

No baussen ass d'Gebai duerch Stäipmauere gehalen, déi op all Spëtz eng Kräizblumm hunn an den Drock vum Verwëllef halen.

D'Schlasssteng vum Kräizrëppeverwëllef si mat Wopen dekoréiert vun der Abtei Mënster a vun der Famill vu Buerschent.

Am Chouer gesäit een en Triumphbou mat Steeskulpturen an e gotescht Sakramentshaischen mat Oculus. An der rietser Säitekapell ass e gotescht Sandsteerelief mat dräi Figure vun Hellegen. Do gëtt et och zwou Grafplacke vun 1679 an 1729. Déi véier Stäilere vum Chouer droe véier Engelsfiguren.

Altor[änneren | Quelltext änneren]

De barocke Retabel, deen 1895 op Ell verkaaft gouf, an nach haut do an der Kierch steet, gouf 1889 duerch en neogoteschen Héichaltor ersat, dee vum Vincent Lehnertz entworf gi war a vum Jean Decker opgeriicht gouf. 1963 gouf en nees ewech geholl.

Triumphbou[änneren | Quelltext änneren]

Eng vun de Konsolen

Zanter der leschter Restauréierung steet op enger hëlzen Dunn ënner dem Triumphbou d'Kräizegungsgrupp. Déi Dunn gëtt op béide Säite vu Konsole gehalen, déi béid Steemetzeschzeechen droen.

Kiercheschëff[änneren | Quelltext änneren]

D'Kiercheschëff gëtt am Weste vum Tuerm ofgegrenzt, de Chouer ass op der Ostsäit an deen huet op senger Süd- an op der Nordsäit Säitenaltär, déi vu bausse gesinn asymmetresch bäigebaut sinn. Op der Nordsäit ass d'Sakristei mat dobäi gebaut.

Säitekapellen[änneren | Quelltext änneren]

An der lénkser Säitekapell steet e Steekräiz vun 1458.

Schlusssteng[änneren | Quelltext änneren]

Schlussstee mat Wopen

Fënsteren[änneren | Quelltext änneren]

D'Fënsteren, déi haut an der Kierch sinn, stamen aus dem Atelier vum Émile Simminger aus der Stad Lëtzebuerg a si vum Ufank vum 20. Joerhonnert.
Déi dräi Fënsteren an der Apsis weisen Helleger mat hiren Attributen:

An der mëttelster Apsisfënster ënnen, sinn zwéi Wopen ze gesinn:

Klacken[änneren | Quelltext änneren]

Am Tuerm vun der Kierch lauden zwou al Klacken aus dem Mëttelalter an der Tounart c an d.

Kuckt och[änneren | Quelltext änneren]

Um Spaweck[änneren | Quelltext änneren]

Commons: Kierch Waldbriedemes – Biller, Videoen oder Audiodateien