King (Moundkrater)
 De Krater King, Foto: Apollo 16 | |
| Koordinaten | 4°57'36"N, 120°29'24"O |
|---|---|
| Duerchmiesser | 76,2 km |
| Selenographesch Längt | 241° bei Sonnenopgank |
| Genannt no | Arthur Scott King |
| Genannt am Joer | 1970 |
| Moundvéiereck | LQ14 |
De King ass en opfällegen Aschlagkrater op der Récksäit vum Äerdmound a kann dofir net vun der Äerd aus gesi ginn. Zesumme mam bal grad sou grousse Krater Ibn Firnas, dee sech u säin nordëstleche Rand uschléisst, bilt hien eng Kraterkoppel. Nordwestlech läit de Krater Lobachevskiy an op der selwechter Distanz an nord-nordwestlecher Richtung de Krater Guyot.
De Kraterrand vum King ass bal kreesfërmeg mat liichten Asackungen, virun allem op der Nordsäit. Hien huet keng gréisser Erosiounsspueren. Déi bannenzeg Wänn sinn terrasséiert. De Kraterbuedem huet eng onreegelméisseg Uewerfläch. Deen y-fërmege laanggezunnene Bierg am Zentrum ass en Deel vun engem Héichtenzuch, deen op de Südrand zouleeft.
E klenge Krater mat engem Duerchmiesser vun zwéi Kilometer an der Géigend vun der ost-südëstlecher bannenzeger Wand gouf 1976 vun der I.A.U. op den indesche Fraenumm Sita gedeeft.
| Buschtaf/Numm | Positioun | Duerchmiesser | Link |
|---|---|---|---|
| J | 3,29° N, 121,62° O | 12 km | [1] |
| Y | 6,54° N, 119,55° O | 36 km | [2] |
Am Joer 1970 ass de Krater vun der I.A.U. nom US-amerikaneschen Astrophysiker Arthur Scott King (1876–1957) an dem US-amerikaneschen Astronom Edward Skinner King (1861–1931) genannt ginn.
Kuckt och
[Quelltext änneren]
Um Spaweck
[änneren | Quelltext änneren]- Moundkaart Nr 65: De King läit an der Mëtt ënnen
- Apollo over the moon: A view from orbit (NASA SP-362) – mit Detailbildern des Kraters (englisch)
- Krater King im „Digital Lunar Orbiter Photographic Atlas of the Moon“
