Lycée de garçons d'Esch-sur-Alzette

Vu Wikipedia
Wiesselen op: Navigatioun, sichen
Stub W.svg Dësen Artikel ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.
Déi al Entrée

De Lycée de garçons d'Esch-sur-Alzette (LGE), och Escher Jongelycée genannt, ass 1901 als Industrieschoul gegrënnt ginn, déi op Handel an Industrie spezialiséiert war. Spéider gouf et e klassesche Lycée. Haut ass de Jongelycée vun Esch-Uelzecht gefëllt mat 1243 Schüler. 7 Sektiounen am Uewergrad (3ième, 2ième a 1ière) an 2 Ënnersektiounen (Latäin an Englesch, vu 6ième un) ginn ugebueden a stinn zur Auswiel.

Den Numm "Jongelycée" huet e bäibehalen, obwuel zanter 1969 och Schülerinnen do d'Schoulbänk drécken.

Historique[änneren | Quelltext änneren]

Duerch Gesetz vum 29. Juni 1901 ass d'Industrieschoul zu Esch-Uelzecht gegrënnt ginn.[1] Den 1. Oktober 1901 hunn déi éischt Coursen ugefaangen. D'Schoul war am Ufank an engem Gebai an der Uelzechtstrooss, dat d'Gemeng zur Verfügung gestallt huet, ënnerbruecht. Well do net genuch Plaz war, ass d'Konstruktioun vun engem neie Gebai decidéiert ginn. Iwwer de Wee vun der "utilité publique"[2] konnt den Terrain "Hinter dem Thiergarten" opkaaft ginn, an 1905 hunn d'Aarbechten ënner der Leedung vum Escher Stadarchiteckt Paul Flesch ugefaangen. Den 1. Oktober 1909 konnt dat neit Gebai ageweit ginn.[3]

Zesumme mat der Industrieschoul an der Stad Lëtzebuerg krut déi Escher Industrieschoul duerch groussherzoglecht Reglement vum 28. Abrëll 1945 d'Bezeechung lycée de garçons.[4]

Éischt Vergréisserungsaarbechten hunn am Joer 1957 ugefaangen a konnten 1965 ofgeschloss ginn. Eng zweet Vergréisserungsetapp huet 1988 ugefaangen an huet bis 1994 gedauert.[5]

An den 1970er Joer ass d'Zuel vun de Schüler fir d'éischt iwwer 1200 geklommen.

Optiounen[änneren | Quelltext änneren]

Als Optioune ginn ënner anerem ugebueden am LGE: Fotografie, Kino vum zwanzegste Joerhonnert, modern Gittar, Chinesech, Multimedia, Geschicht vun der Mathematik, Heraldik, Biologie, Portugisesch, Informatik a Musek. Japanesch an Hollännesch kënnen d'Schüler och nach léieren, mä mussen dofir an LGE goen.

Direkter[änneren | Quelltext änneren]

De 16. Abrëll 2014 gouf de fréieren Directeur-adjoint an Engleschprofesser Nico Decker zum Direkter ernannt. Hien huet domat d'Nofolleg vum Lucien Thill uegetrueden, deen dës Fonktioun zanter 2002 besat huet.[6] 2017 gouf de fréieren Directeur-adjoint a Mathematiksprofesser Pascal Bermes Direkter.

Comité des Élèves[änneren | Quelltext änneren]

Zanter dem Réglement Grand-Ducal vum 27. August 1997, ass et gesetzlech Flicht fir e Lycée, datt en e Comité des Élèves huet. All Schüler, huet d'Méiglechkeet, sech am Ufank vum Schouljoer an de Comité, dee bis zu 13 Memberen huet, ze mellen. Et gëtt all Joer Neiwalen organiséiert.

D'Gebailechkeeten[änneren | Quelltext änneren]

D'Gebai vun 1909 huet eng Sandsteefassad an ass an engem neo-klassizistesche Stil gebaut. An den 1960er Joren ass an der Spidolstrooss en neie Fligel ugebaut ginn. Gläichzäiteg koum, dorun ugebaut, en drëtte Fligel mat Turn- a Festsall bäi.

Enn vun den 1990er Jore gouf d'Gebai grëndlech renovéiert, an e weidere Fligel ass ugebaut ginn, an deem virun allem spezialiséiert Säll (fir Physik-, Chimie- an Zeeche coursen) installéiert goufen. De fréieren Turnsall gouf an eng Kantin transforméiert, an en neien Turn-Trakt am Haff bäigebaut.

Literatur zum Thema[änneren | Quelltext änneren]

  • Gabriel Deibener, Georges Konsbruck, Ed. Maroldt, J.M. Peiffer, Nadine Schummer, Lucien Thill: Vun der Industrieschoul zum Jongelycée vun Esch 1901-2001, Lycée de garçons d'Esch-sur-Alzette, Esch 2001, 451 S., ISBN 2-87996-938-773.

Kuckt och[änneren | Quelltext änneren]

Um Spaweck[änneren | Quelltext änneren]

Commons: Lycée de garçons d'Esch-sur-Alzette – Biller, Videoen oder Audiodateien

Referenzen[Quelltext änneren]

  1. Loi du 19 juin 1901, concernant la création d'une école industrielle à Esch-sur-l'Alzette. Memorial 1901, S. 501-502. [1]
  2. Arrêté grand-ducal du 3 juillet 1903, déclarant d'utilité publique la construction d'une école industrielle à Esch-sur-l'Alzette. Memorial 1903, S. 734-735. [2]
  3. G. Konsbruck: Aperçu de l'histoire du Lycée de garçons d'Esch-sur-Alzette, 1901-1940. In: Vun der Industrieschoul zum Jongelycée vun Esch 1901-2001, Lycée de garçons d'Esch-sur-Alzette, Esch 2001, S. 35ss.
  4. Arrêté grand-ducal du 28 avril 1945, portant dénomination de l'enseignement moyen des Ecoles industrielles et commerciales. Memorial 1945, S. 245. [3]
  5. E. Wagner: L'agrandissement du LGE. In: Vun der Industrieschoul zum Jongelycée vun Esch 1901-2001, Lycée de garçons d'Esch-sur-Alzette, Esch 2001, S. 73 a 76s.
  6. Neue Direktoren im LGE und LHCE, wort.lu 17. Abrëll 2014.