Mëtternuechtssonn

Vu Wikipedia
Mëtternuechtssonn um Nordkap

Als Mëtternuechtssonn, oder Hallefnuechtssonn gëtt an de Gebidder nërdlech vum nërdlechen a südlech vum südleche Polarkrees am Summer déi visuell Sonn bezeechent déi ëm Hallefnuecht net ënnergeet.

Beschreiwung[änneren | Quelltext änneren]

Vun engem Observatiounspunkt direkt um Polarkrees geet d'Sonn eemol am Joer – zum Zäitpunkt vun der Nord- oder Südsummersonnewend – net ënner. Nodeem si am Dageslaf hiren déifste Stand iwwer dem Horizont erreecht huet, klëmmt si nees erop. Wat ee méi no wärend der Zäit vun der d'Summersonnewend beim Nordpol, resp. beim Südpol ass, ëmsou méi Deeg ass d'Mëtternuechtssonn ze gesinn. Well d'Sonn dobäi net ënner den Horizont kënnt, schwätzt ee vum Polardag. De Polardag misst direkt um geographesche Pol en halleft Joer daueren. Wéinst der Refraktioun an der Äerdatmosphär dauert de Polardag eppes méi laang wéi en halleft Joer.

Mëtternuechtssonn an Norwegen (vu Süden no Norden)[1]
Plaz Ieweschte Rand
vun der Sonn
bleift iwwer
Mëtternuecht
vum
Déi ganz Sonn ass
24 Stonnen deeglech visuell
Den ieweschte Rand vun der Sonn
verschwënnt iwwer Mëtternuecht
vum
D'Polarnuecht fänkt
un mam
Polar-
nuecht-
enn
Polarkrees 5. Juni 12. Juni – 1. Juli 6. Juli
Bodø 31. Mee 4. Juni – 8. Juli 12. Juli
Svolvær 25. Mee 28. Mee – 14. Juli 18. Juli 7. Dez. 5. Jan.
Harstad 22. Mee 25. Mee – 18. Juli 21. Juli 2. Dez. 10. Jan.
Bardufoss 20. Mee 23. Mee – 19. Juli 22. Juli 30. Nov. 12. Jan.
Andenes 19. Mee 22. Mee – 21. Juli 23. Juli 29. Nov. 13. Jan.
Tromsø 18. Mee 20. Mee – 22. Juli 25. Juli 27. Nov. 15. Jan.
Bossekopp 16. Mee 19. Mee – 24. Juli 26. Juli 25. Nov. 17. Jan.
Vardø 15. Mee 17. Mee – 26. Juli 28. Juli 23. Nov. 19. Jan.
Hammerfest 13. Mee 16. Mee – 27. Juli 29. Juli 22. Nov. 20. Jan.
Berlevåg 13. Mee 15. Mee – 28. Juli 30. Juli 21. Nov. 21. Jan.
Nordkap 11. Mee 14. Mee – 29. Juli 31. Juli 20. Nov. 22. Jan.
Jan Mayen 12. Mee 14. Mee – 28. Juli 30. Juli 20. Nov. 21. Jan.
Bjørnøya 30. Abrëll 1. Mee – 10. Aug. 12. Aug. 7. Nov. 4. Feb.
Hopen 23. Abrëll 25. Abrëll – 17. Aug. 18. Aug. 31. Okt. 10. Feb.
Svea 19. Abrëll 21. Abrëll – 21. Aug. 23. Aug. 27. Okt. 15. Feb.
Barentsburg 19. Abrëll 20. Abrëll – 21. Aug. 23. Aug. 26. Okt. 15. Feb.
Longyearbyen 18. Abrëll 20. Abrëll – 22. Aug. 24. Aug. 26. Okt. 16. Feb.
Pyramiden 17. Abrëll 19. Abrëll – 23. Aug. 25. Aug. 25. Okt. 17. Feb.
Ny-Ålesund 16. Abrëll 18. Abrëll – 24. Aug. 25. Aug. 24. Okt. 18. Feb.
Magdalenafjorden 14. Abrëll 16. Abrëll – 26. Aug. 27. Aug. 22. Okt. 19. Feb.
Rossøya 11. Abrëll 12. Abrëll – 29. Aug. 31. Aug. 19. Okt. 23. Feb.
Nordpol 18. Mäerz 20. Mäerz – 23. Sept. 24. Sept. 25. Sept. 18. Mäerz
Mëtternuechtssonn
Polardag no bei Skibotn

Himmelsmechanik[änneren | Quelltext änneren]

Déi ënnerschiddlech Dag- an Nuechtlängten op alle Breede vun eiser Äerd hunn hir Ursaach an der Achsstellung vun der Äerd zu der Ekliptik, dem Plang vun Äerdëmlafbunn. Eis Äerdachs steet zum Niveau vun hirer Ëmlafbunn net am Senkel, mä huet eng Wénkelschréi vun 23,44 Grad. Wann d'Äerdachs am Senkel zum Äerdëmlafbunnniveau géif stoen, da géif d'Sonn op béide Pole wärend dem ganze Joer genee um Horizont laanscht lafen. Tatsächlech passéiert datt nëmme fir kuerz Zäit zweemol am Joer an zwar beim astronomeschen Hierscht- a Fréijoersufank.

Begrëfflech Andeelung[änneren | Quelltext änneren]

De Begrëff Mëtternuechtssonn léisst séier den Iertum opkommen, d'Sonn géif ëmmer hiren déifste Stand um 24:00 Auer kréien. Dat ass wéinst verschiddene Phenomeener op enger bestëmmter Plaz nëmmen nobäi de Fall:

Um Nordkap erreecht d'Mëtternuechtssonn hiren déifste Stand duerchschnëttlech um 23:17 Auer MEZ resp. 00:17 Auer MESZ an ass do vum 11. Mee bis zum 31. Juli ze gesinn, wärend een op Svalbard d'Mëtternuechtssonn scho vum 20. Abrëll bis 25. August observéiere kann.

Um Spaweck[änneren | Quelltext änneren]

Commons: Midnight sun (Mëtternuechtssonn) – Biller, Videoen oder Audiodateien

Referenzen[Quelltext änneren]

  1. Sola skinner døgnet rundt (D'Sonn schéngt de ganzen Dag) – Meldung bei yr.no vum 20. Mee 2009, ofgeruff den 21.Mee, 19 Auer (Bokmål)