Mango

Vu Wikipedia
Wiesselen op: Navigatioun, sichen
Mangofriichten
E Mangobam a voller Bléi zu Kerala, Indien

D'Mango ass d'Fruucht vum Mangobam aus der Famill vun den Anacardiaceae.

Originnen a Verbreedung[änneren | Quelltext änneren]

De Mangobam kënnt aus dem Gebitt zwëscht Ost-Indien a Myanmar. Am 16. Joerhonnert ass en du vu den Araber an Afrika, an vun de Portugisen a Südamerika, haaptsächlech a Brasilien, agefouert ginn.

Haut gëtt d'Mango iwwerall do ugebaut, wou en tropescht Klima ass, ënner anerem a Süd-Asien, an Indien, an der Karibik, awer och an den USA an a Mexiko. An Europa ass Spuenien den Haaptproduzent; d'Mangobeem wuessen haaptsächlech op der Costa del Sol an op de Kanareschen Inselen.

Beschreiwung[änneren | Quelltext änneren]

De Mangobam ka bis zu 40 Meter héich ginn, a seng Kroun bis zu 10 Meter breet. En huet däischtergréng Blieder, eng däischterbrong Schuel a wäiss a rosa Bléien.

D'Mango hänkt u laange Stiller um Bam a weit bis zu 2 Kilogramm. Se huet eng dënn, glat Schuel, an dorënner e mëllt bis faserecht Fleesch, deemno wéi zeideg d'Uebst ass. D'Mango huet e grousse platte Kär an dacks eng giel, heinansdo eng gréng oder rout Faarf.

Literatur[änneren | Quelltext änneren]

  • Nadja Biedinger: Die Welt der Tropenpflanzen. DuMont, Köln 2000, ISBN 3770152948

Um Spaweck[änneren | Quelltext änneren]

Commons: Mangifera indica – Biller, Videoen oder Audiodateien