Monument Émile Mayrisch (Esch-Uelzecht)
 | |
| Land | Lëtzebuerg |
|---|---|
 | |
D'Monument Émile Mayrisch zu Esch-Uelzecht erënnert un de Stolindustriellen Émile Mayrisch.
Et steet um Square Emile Mayrisch am Quartier Dellhéicht. 1925 huet den Urbanist Josef Stübben proposéiert, nieft der Schoul eng Plaz a Form vun engem klenge Park unzeleeën. 1929 gouf de Square ageweit. Dat Joer virdru war den Emile Mayrisch gestuerwen, an et ass decidéiert ginn, him e Monument commémoratif opzeriichten. Dofir goufen de franséischen Architekt Auguste Perret a säi Jong Gustave chargéiert, en Entworf ze maachen.[1]
D'Monument gouf de 14. August 1933 um Square Émile Mayrisch a Presenz vum Buergermeeschter Victor Wilhelm, dem President vun der Arbed Gaston Barbanson, dem Staatsminister Joseph Bech an der Aline Mayrisch ageweit.[1],[2]
D'Skulptur a Form vun engem Portrait vum Émile Mayrisch uewen um Monument an déi zwou Take vir um Monument sinn e Wierk vum franséische Sculpteur Louis Dejean.
D'Monument gouf an den 2000er Joren an d'Fassong gesat. No engem positiven Avis, de 15. November 2013, vum Escher Gemengerot[1], gouf d'Monument an de Square den 21. Juni 2017 als nationaalt Monument klasséiert.[3]
Kuckt och
[änneren | Quelltext änneren]- Monument Émile Mayrisch zu Diddeleng
- Lëscht vun den nationale Monumenter an der Gemeng Esch-Uelzecht
Referenzen
[Quelltext änneren]- ↑ 1,0 1,1 1,2 Gemengerot Esch: Rapport analytique Nr. 8/2013, Sëtzeung vum 15. November 2013, Punkt 6 um Ordre du jour, op esch.lu.
- ↑ Luxemburger Wort N° 122 vum 10. August 1933, S 4
- ↑ Institut national pour le patrimoine architectural: Liste des immeubles et objets bénéficiant d'une protection nationale. (Lescht Versioun vum 3. Juli 2024).
Um Spaweck
[änneren | Quelltext änneren]| Commons: Square Émile-Mayrisch – Biller, Videoen oder Audiodateien |
