Nicole-Reine Lepaute

Nicole-Reine Lepaute
Gebuer	5. Januar 1723 Paräis
Gestuerwen	6. Dezember 1788 Paräis
Nationalitéit	Frankräich
Aktivitéit	Astronom, Mathematiker

D'Nicole-Reine Lepaute (Nicole-Reine Étable de la Brière Lepaute), gebuer de 5. Januar 1723, a gestuerwen de 6. Dezember 1788, war eng franséisch Astronomin an der Zäit vun der Opklärung. Hire Mann, de Jean André Lepaute, mat deem si am Joer 1748 bestuet gouf, war kinneklechen Aueremécher. 1762 hat d'Madame Lepaute déi exakt Zäit vun der Sonnendäischtert vum Joer 1764 berechent. Ausserdeem hat si korrekt d'Zeréckkomme vum Koméit Halley fir d'Joer 1759 virausgesot.

Zesumme mam Alexis-Claude Clairaut an dem Jérôme Lalande hat si un der Berechnung vun der Unzéiung vum Jupiter an dem Saturn op de Koméit Halley geschafft.

Hir zu Éiere gouf den Asteroid (7720) Lepaute an de Moundkrater Lepaute genannt.

Literatur

• Marilyn Bailey Ogilvie: Women in science: antiquity through the nineteenth century: a biographical dictionary with annotated bibliography. 3. Auflage. MIT Press, Cambridge, MA 1991, ISBN 0-262-65038-X, S. 122 f.

Kuckt och

Portal Astronomie

Um Spaweck

• www.unimuenster.de/Physik/Studieninteressierte/Frauen/geschichte/nicole_reine_lepaute.html