Provënz Limburg (Holland)

Dësen Artikel beschäftegt sech mat der hollännescher Provënz Limburg. Fir aner Bedeitunge vu "Limburg", kuckt wgl. Limburg.

Provënz Limburg

Basisdaten
Land	Holland
Haaptstad	Maastricht
Fläch	2153 km²
Awunner	1 116 137 (1. Januar 2019)
Reliounen	Kathoulesch: 80 % Protestantesch: 3 %
ISO 3166-2	NL - LI
Websäit	http://www.limburg.nl/
Lag

D'Provënz Limburg (limburg.: Lèmburg, Limburg) ass eng vun den zwielef hollännesche Provënzen a läit am Südoste vum Land.

Si ass dat, wat vun der Provënz Limburg op der hollännescher Säit Rescht ass, déi 1815 zesumme mat den aneren 16 Provënze vum Vereenegte Kinnekräich vun den Nidderlande gegrënnt gouf, a vun där dann 1839, duerch den Traité vu London, en Deel der Belsch zougeschloe gouf.

D'Haaptstad ass Maastricht.

D'Provënz Limburg grenzt am Osten un Däitschland, am Süden un déi belsch Provënzen Limburg a Léck, am Westen an Nordwesten un d'Provënz Nordbrabant, an am Norden un d'Provënz Gelderland.

Sproochen[änneren | Quelltext änneren]

Nieft der offizieller Amtssprooch Hollännesch gëtt an der Provënz Limburg nach Limburgesch geschwat, eng nidderfränkesch Sprooch déi zanter 1997 vun der hollännescher Regierung als Regionalsprooch vu Limburg unerkannt ass. Uechter d'Provënz gi verschidden Dialekter geschwat. Ausserdeem gëtt zu Kerkrade Kerkraads geschwat, eng Dialektvariant vum Ripuareschen.