Traité vu London (1839)

Dësen Artikel beschäftegt sech mat dem Londoner Vertrag vun 1839. Fir aner Traitéën, déi zu London ënnerschriwwe goufen, kuckt wgl. Traité vu London.

D'Deelung vu Lëtzebuerg

Den Traité vu London oder Traité vun de XXIV Artikele vum 19. Abrëll 1839 war en internationalen Traité, deen zu London tëscht der Belsch an Holland ënnerschriwwe gouf, fir déi territorial Situatioun tëscht deenen zwee Länner, no der Belscher Revolutioun an dem belsch-hollännesche Krich 1831-1833 fir zerguttst ze klären.

Kontext

Geschicht vu Lëtzebuerg
Virgeschicht Steenzäit
Fréigeschicht Keltescht Lëtzebuerg ~51 v.Chr  • Treverer   Gallesch Kricher 58–50 v.Chr. Réimesch Herrschaft (Gallia Belgica) 90 n.Chr. – zk. 500 n.Chr.
Mëttelalter Franken   Merowenger 481–751  • Austrasien   Karolenger 751–987 Herzogtum Loutrengen 959~  • Lëtzebuerger    • Grofschaft Lëtzebuerg 1059–1353 Herzogtum Lëtzebuerg 1354–1795 Herrschaft vun den Habsburger 1482–1556
Fréi Neizäit Spuenesch Herrschaft 1556–1714 Partitioune vu Lëtzebuerg 1659–1839 Belagerung vum Louis XIV 1684 Éisträichesch Herrschaft 1714–95 Revolutiounsbelagerung 1794–95 Franséisch Herrschaft 1795–1815  • Klëppelkrich 1798  • Departement Forêts 1795–1814
19. Joerhonnert Wiener Kongress 1815  • Groussherzogtum Lëtzebuerg 1815– Hollännesch Herrschaft 1815–30  • Herrschaft vum Wëllem I. 1815–40  • Belsch Revolutioun 1830–31 Personalunioun 1839–90  • Traité vu London 1839  • Herrschaft vum Wëllem II. 1840–49  • Revolutioun zu Lëtzebuerg 1848  • Herrschaft vum Wëllem III. 1849–90  • Lëtzebuerg-Kris 1867 Déi ganz Onofhängegkeet 1890-
20.–21. Joerhonnert Herrschaft vum Adolphe 1890–1905 Herrschaft vum Wëllem IV 1905–12 Herrschaft vun der Marie-Adélaïde 1912–19 Lëtzebuerg am Éischte Weltkrich:   Herrschaft vun der Charlotte 1919–1964 Zweete Weltkrich:    • Däitsch Invasioun 1940  • Kollaboratioun 1940–1945  • Exilregierung 1940–45  • Verwaltungskommissioun 1940  • Resistenz 1940–45  • Holocaust 1940–43  • Ardennenoffensiv 1944-45 Herrschaft vum Jean 1964–2000 Herrschaft vum Henri 2000–
Portal:Lëtzebuerg

D'Belsch virum Londoner Vertrag

Den Traité vu London vun 1839 ass en zweete Versuch, no deem vun 1831 (och Traité vun den XVIII Artikele genannt), deen den hollännesche Kinnek Wëllem I. refuséiert hat, z'ënnerschreiwen. Dora goung et drëms, datt Lëtzebuerg kéint opkaf ginn, an en Deel vun der Provënz Limburg (déi haiteg hollännesch Provënz Limburg) getosch kéint ginn. En hat och de fräie Verkéier op der Schelde virgesinn. Well d'Belsch ze schwaach war, fir sech eleng géint Holland duerchzesetzen, hunn déi aner Groussmuechten 1831 zu London den Traité vun de XXIV Artikelen opgesat, dee manner avantagéis fir d'Belsch war, mat deem awer gehofft gouf, datt déi zwou Säite sech dermat offanne kéinten.

Den Traité vun de XXIV Artikelen huet en Tosch vu Limburg (mat Maastricht) oder e Verkaf vu Lëtzebuerg ausgeschloss. Domat konnt Holland d'Kontroll iwwer déi zwou wichteg Festungsstied halen. Als Kompromëss gouf virgeschloen, datt Lëtzebuerg a Limburg gedeelt solle ginn: an déi haiteg Provënz Lëtzebuerg an d'Groussherzogtum Lëtzebuerg a senger haiteger Gréisst op där enger Säit, an an eng belsch souwéi eng hollännesch Provënz Limburg op där anerer.

Ausserdeem krut Holland d'Kontroll iwwer d'Mëndung vun der Schelde (d'Dierfer am Süde vun der Mëndung an Zeeuws-Vlaanderen goufen hollännesch) an iwwer den Accès vu Léck, iwwer d'Meuse. D'Belsch huet missen d'Halschecht vun der hollännescher Staatsschold iwwerhuelen. D'Belsch selwer gouf als op ëmmer neutral an onofhängeg deklaréiert (Artikel 9).

Den Traité gouf vum belsche Parlament ratifizéiert, ma den hollännesche Kinnek, dee gehofft hat, déi Territoiren - d'Belsch mat Lëtzebuerg -, déi sech vun him lassgemaach haten, nees erëmzekréien, huet laang refuséiert, en z'ënnerschreiwen. Eréischt 1838 huet en op der Londoner Konferenz wësse gedoen, datt hien den Traité géif unerkennen. D'Belsch hunn nach erreecht, hiren Deel vun der Staatsschold, dee s'iwwerhuele missten, vun 8.400 op 5.400 Millioune Gulden erofzehandelen.

Streng geholl goufen den 19. Abrëll 1839 zwéin Traitéen ënnerschriwwen: Deen éischten tëscht Frankräich, Éisträich-Ungarn, dem Vereenegte Kinnekräich, dem Kinnekräich Preisen, dem Russesche Räich an Holland, dora gëtt Oftrennung vun der Belsch vun Holland festgehalen. Deen zweeten ass den Traité vun de XXIV Artikele selwer, deen tëscht Holland an der Belsch ënnerschriwwe gouf. Schliisslech huet och nach den Däitsche Bond e Bäitrëttsakt zu deenen zwee Traitéen ënnerschriwwen.

Den definitive Verlaf vun de Grenzen tëscht der Belsch an Holland gouf 1843 am Traité vu Maastricht festgehalen.

Ausbléck

Den Traité vu London krut 1914, beim Ausbroch vum Éischte Weltkrich, stënterlech eng wichteg (propagandistesch) Bedeitung:

Brittesch Propaganda-Affiche vun 1914: "Eng 'Fatz Pabeier'".

Wéi d'däitscht Keeserräich am August 1914 déi neutral Belsch iwwerfall huet, an domat den Traité vu London violéiert huet, huet Groussbritannien him de Krich erkläert. Wéi den däitsche Kanzler Theobald von Bethmann Hollweg dat héieren huet, sot en, hie kéint net gleewen, datt Groussbritannien "wéinst enger Fatz Pabeier" mat Däitschland an de Krich géing. Dëst gouf a Groussbritannien ausgenotzt, fir d'Leit ze motivéieren, sech an d'Arméi anzeschreiwen (kuckt d'Plakat).

Zu Lëtzebuerg gouf den Datum vum Traité vu London als Uleies geholl, fir 1939 grouss "Joerhonnertfeiere vun der Onofhängegkeet" z'organiséieren. De Choix, sou Zelebratiounen ze maachen, erkläert sech duerch d'Menace datt Hitler-Däitschland Lëtzebuerg iwwerfale kéint (wat jo och 1940 geschitt ass).

 Méi Informatioun doriwwer am Artikel: De Mythos vun der Onofhängegkeet 1839.

1989 gouf et och eng grouss Ausstellung an den Ausstellungshalen um Lampertsbierg, Publikatiounen, akadeemesch Sëtzungen a soss Feiere fir "150 Joer Onofhängegkeet".

Galerie

Den Traité am Original

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

Kuckt och

• Traité vu London (1867)

Um Spaweck

• Integralen Text vun den zwéi Traitée vum 19. Abrëll 1839 an dem Bäitrëttsakt vum Däitsche Bond