Raymond Vouel
| Raymond Vouel | |
|---|---|
.jpg) | |
| Gebuer |
8. Abrëll 1923 Rëmeleng |
| Gestuerwen |
12. Februar 1987 Lëtzebuerg |
| Nationalitéit | Lëtzebuerg |
| Aktivitéit | Journalist, Politiker |
| Partei | LSAP |
 | |
De Raymond Vouel, gebuer den 8. Abrëll 1923 zu Rëmeleng, a gestuerwen den 12. Februar 1987, war e lëtzebuergesche Journalist, an LSAP-Politiker.
Hie war vum 15. Juli 1964 bis zum 6. Februar 1968 Staatssekretär an der Regierung Werner-Cravatte, zoustänneg fir d'ëffentlech Gesondheet, Aarbecht, Sozialversécherung an d'Grouwen.
De 15. Juni 1974 gouf hie Vizeregierungschef an der DP-LSAP-Regierung ënner dem Gaston Thorn. Den 19. Juli 1976 huet hien demissionéiert, fir an der Europäescher Kommissioun ënner der Presidence vum Roy Jenkins Kommissär fir Konkurrenz ze ginn (bis Januar 1981).