Samantha Cristoforetti

Vu Wikipedia
Op d'Navigatioun wiesselen Op d'Siche wiesselen
Samantha Cristoforetti
Samantha Cristoforetti official portrait in an EMU spacesuit.jpg
Land Flag of Italy.svg Italien
Agentur ESA
Auswiel 20. Mee 2009
Zuel 1
Éischte Start 23. November 2014
Lescht Landung 11. Juni 2015
Dauer 199d 16h 43min
1. Missioun Expeditioun-42-43
2. Missioun
ausgescheet aktiv
D'Samantha Cristoforetti op der re:publica zu Berlin (2012)

D'Samantha Cristoforetti, gebuer de 26. Abrëll 1977 zu Mailand, ass eng italienesch Kampfpilotin an Astronautin.

Liewen[änneren | Quelltext änneren]

Studium[änneren | Quelltext änneren]

D'Cristoforetti studierte huet am Kader vum Erasmus-Austauschprogramms an der Technescher Universitéit München, der École Nationale Supérieure de l'Aéronautique et de l'Espace zu Toulouse an der Russescher Chimie-Technologescher Universitéit zu Moskau Ingenieurswëssenschafte studéiert, dat si am Joer 2001 ofgeschloss huet. Am Joer 2005 huet si e Master an der Loft- a Raumfaarttechnik an der Universitéit Neapel absolvéiert.

Loftwaff[änneren | Quelltext änneren]

D'Cristoforetti koum 2001 bei d'italienesch Loftwaff an huet un der Loftwaffenakademie Pozzuoli studéiert, déi si am Joer 2005 ofgeschloss huet. Dono gouf si un der Sheppard Air Force Base zu enger Kampfpilotin ausgebilt. No hirem Ofschloss huet si vun 2006 un beim Geschwader 51º Stormo Ferruccio Serafini zu Istrana a vun 2008 un beim 32° Stormo „Armando Boetto“ zu Amendola gedéngt.

Raumfaart[änneren | Quelltext änneren]

D'Cristoforetti hat sech bei der Auswielmethod vun der ESA géint méi wéi 8.400 weider Interessenten duerchgesat a gouf den 20. Mee 2009 zu Paräis, als eenzeg Fra ënner sechs neien Astronauten vum Europäeschen Astronautecorps, dem Public virgestallt.

Den 3. Juli 2012 hat d'ESA bekanntgemaach, datt d'Cristoforetti am Joer 2014 zu engem Laangzäitopenthalt op d'ISS starte géif. Si ass den 23. November 2014 mam Raumschëff Sojus TMA-15M op d'International Raumstatioun geflunn als Member vun den ISS-Expeditiounen 42 an 43. De 7. Juni 2015 gouf si op hirem 195. Missiounsdag vun der US-Amerikanerin Sunita Williams als Rekordhalterin fir Laangzäitflich vu Fraen am Weltall ofgeléist[1]. D'Landung war den 11. Juni 2015.

De 6. Mäerz 2013 krut si d'Verdéngschtmedail vun der Italienescher Republik iwwerreecht[2].

Privates[änneren | Quelltext änneren]

Zu hiren Hobbyen zielen Biergklammen, Dauchen, déi chinesesch Sprooch an Hielefuerschung. Si schwätzt Italienesch (Mammesproch), Englesch, Däitsch, Franséisch a Russesch.

Wéi vill Astronauten ass och d'Samantha Cristoforetti Funkamateurin mat dem Amateurfunkruffzeechen IZ0UDF[3].

Kuckt och[änneren | Quelltext änneren]

Saturn 01.svg Portal Astronomie

Um Spaweck[änneren | Quelltext änneren]

Commons: Samantha Cristoforetti – Biller, Videoen oder Audiodateien

Referenzen[Quelltext änneren]

  1. Aufenthalt im All: Italienerin stellt neuen Langzeitrekord auf
  2. Dettaglio decorato
  3. IZ0UDF op QRZ.com