Stéphanie Weydert
| Stéphanie Weydert | |
|---|---|
_CROP_St%C3%A9phanie_Weydert.jpg) | |
| Gebuer | 30. Abrëll 1984 |
| Nationalitéit | Lëtzebuerg |
| Aktivitéit | Politiker |
 | |
D'Stéphanie Weydert, gebuer den 30. Abrëll 1984 an der Stad Lëtzebuerg[1], ass eng lëtzebuergesch Politikerin (CSV).
D'Stéphanie Weydert huet Droit studéiert an dëse Studium mat jee engem Master op der Universitéit Aix-Marseille III, der Universitéit Paris II Panthéon-Assas an dem King's College London ofgeschloss. Si ass zanter 2011 um Lëtzebuerger Barreau ageschriwwen a vu Beruff Wirtschaftsaffekotin.[1]
Si gouf bei de Gemengewalen am Oktober 2017 an de Gemengerot vun der nei fusionéierter Gemeng Rouspert-Mompech gewielt, wou si Éischt Schäffin gouf. Nom Récktrëtt vum Romain Osweiler[2] gouf si am September 2022 als nei Buergermeeschtesch vereedegt.[3] No de Gemengewale vum 11. Juni 2023 gouf si an där Funktioun confirméiert.[4]
Bei de Chamberwale vum 8. Oktober 2023, fir déi si kandidéiert huet, gouf si net direkt gewielt, ass dunn awer den 21. November an d'Chamber nogeréckelt.[5]
Si ass ausserdeem, zanter Mäerz 2022, zesumme mam Christophe Hansen, Generalsekretärin vun der CSV.[6]
Um Spaweck[änneren | Quelltext änneren]
- D'Stéphanie Weydert vun der CSV am Portrait, rtl.lu, 24.11.2023
Referenzen[Quelltext änneren]
- ↑ 1,0 1,1 Fiche op paperjam.lu (gekuckt 2022-09-17).
- ↑ "Bürgermeister Romain Osweiler tritt zurück." wort.lu, 18.05.2022.
- ↑ "Bürgermeisterin Stéphanie Weydert im Interview: 'Die Fusion ist in manchen Köpfen noch nicht angekommen'." wort.lu, 17.09.2022.
- ↑ (fr)Assermentation des collèges des bourgmestre et échevins. mint.gouvernement.lu (04.07.2023). Gekuckt de(n) 04.07.2023.
- ↑ (fr)La Chambre est désormais complète. Chambre des députés du grand-duché de Luxembourg. Gekuckt de(n) 2023-11-21.
- ↑ "Congrès du CSV: Large soutien pour Elisabeth Margue et Stéphanie Weydert." wort.lu, 27.03.2022.