Christophe Hansen

Vu Wikipedia
Op d'Navigatioun wiesselen Op d'Siche wiesselen
Christophe Hansen
Gebuer 21. Februar 1982
Wolz
Nationalitéit Lëtzebuerg
Aktivitéit Politiker
Partei CSV
Wikidata-logo-without-paddings.svg

De Christophe Hansen, gebuer den 21. Februar 1982 zu Wolz, ass e lëtzebuergesche Politiker (CSV/EPP).

De Christophe Hansen huet tëschent 2002 an 2007 op der Universitéit Louis-Pasteur zu Stroossbuerg Geowëssenschaften, Geopolitik an Ëmweltrecht studéiert an dee Studium 2007 mat engem Master Diplom ofgeschloss[Source?].

Vun 2007 bis 2014 huet hien als politesche Beroder vun der Europadeputéiert Astrid Lulling an de Beräicher Agrar- an Ëmweltpolitik geschafft. Dono huet hie fir d'Stänneg Representatioun vu Lëtzebuerg bei der EU zu Bréissel geschafft; 2016 fir de Bréisseler Büro vun der Chambre de commerce, an e war vun 2016-2018 Member vum Europäesche Wirtschafts- a Sozialcomité.[1]

Hien ass zënter Oktober 2011 Member vum Gemengerot zu Wanseler[2].

De Christophe Hansen ass zanter September 2018 Deputéierten am Europaparlament[3], wuer hie fir d'Viviane Reding nogeréckelt ass, déi sech do zréckgezunn hat fir zu Lëtzebuerg fir d'Chamberwale vum 14. Oktober 2018 ze kandidéieren[4]. Am Juni 2019 huet hie fir d'Europawale kandidéiert a krut säi Mandat als ee vun de sechs Lëtzebuerger Deputéierten am Europaparlament confirméiert[5].

Kuckt och[änneren | Quelltext änneren]

Um Spaweck[änneren | Quelltext änneren]

Commons: Christophe Hansen – Biller, Videoen oder Audiodateien

Referenzen[Quelltext änneren]

  1. CV op der Websäit vun der EPP.
  2. "Vereidigung des Gemeinderates in Winseler - Keine Überraschungen und doch ein frischer Wind!" mywort.lu, 14.12.2011.
  3. Fiche op europarl.europa.eu.
  4. "Viviane Reding se présentera bien dans le Centre." paperjam.lu, 13 mars 2018 12:33.