Terroir Moselle

Vu Wikipedia
Zur Navigation springen Zur Suche springen

Terroir Moselle ass eng international Initiativ fir d'Muselgéigend a besonnesch hir Wäiner, dat vun Toul bis Koblenz, besser bekannt ze maachen an de Verkaf ze fërderen.

De Projet benotzt e Label, deen awer kee Qualitéitslabel ass, mä nëmmen d'Géigend duerstelle soll. Et ass jiddwer Wënzer fräigestallt de Label ze benotzen oder net.[1]

De Label besteet aus engem geschwongenem 'M' mat, drënner, dem Text Terroir Moselle.[2]

Den zentrale Büro vun Terroir Moselle ass zu Gréiwemaacher.[1]

Déi lëtzebuergesch Partner vum Projet sinn d'Commission de promotion des vins et crémants de Luxembourg, de Wäibauinstitut, de Wënzerverband, de Service géologique du Luxembourg an de Projet Leader Miselerland.[1]

Zuelen[änneren | Quelltext änneren]

Et gëtt eng 10.500 ha Wéngerten an der franséisch-lëtzebuergesch-däitscher Muselgéigend, dovun 180 ha a Loutrengen, 1350 ha zu Lëtzebuerg, 110 ha am Saarland an 8.880 ha a Rheinland-Pfalz.

Et gëtt eng 4000 Wënzerbetriber an der Muselgéigend tëscht Toul a Koblenz, dovu 55 a Loutrengen, 500 zu Lëtzebuerg, 33 am Saarland an 3379 a Rheinland-Pfalz.

Am Gebitt vun Terroir Moselle gëtt et 229 Wënzeruertschaften, dovun 31 a Loutrengen, 22 zu Lëtzebuerg, 4 am Saarland an 172 a Rheinland-Pfalz.[1][3]

Historique[änneren | Quelltext änneren]

De Projet Terroir Moselle, deen 2010 ageleet gouf, ass eng Initiativ vun de Wäibauverbänn, touristeschen Organisatiounen, Acteuren aus dem kulturelle Beräich an de Leader-Gruppen aus de Muselgéigenden a Frankräich, Lëtzebuerg an Däitschland.

De Logo,deen aus engem geschwongenem 'M' besteet, gouf de 26. Juli 2012 am Wäibauinstitut zu Réimech offiziell virgestallt.[4]

Literatur[änneren | Quelltext änneren]

  • Van der Hoef, J., 2012. Moselwein bekommt eine Identität. Luxemburg trägt eine zentrale Rolle bei dem internationalen Projekt. Luxemburger Wort vum 28. Juli 2012, S. 27.

Kuckt och[änneren | Quelltext änneren]

Um Spaweck[änneren | Quelltext änneren]

Referenzen an Notten[Quelltext änneren]

  1. 1,0 1,1 1,2 1,3 J. Van der Hoef, 2012. Moselwein bekommt eine Identität. Luxemburger Wort vum 28.7.2012, S. 27.
  2. Dee geschwongenen M soll d'Musel an och dee filigranen an eedle Charakter vum Muselwäin duerstellen.
  3. [Cf. d'Websäit vun Terroirmoselle [1]
  4. En internationale Jury aus deenen dräi Länner huet de Logo ënner de Virschléi vu Studente vum Fachberäich Kommunikatiounsdesign vun der Fachhéichschoul Tréier ausgesicht.