Annie Girardot

Vu Wikipedia
Wiesselen op: Navigatioun, sichen
D'Annie Girardot (2005)

D'Annie Suzanne Girardot, gebuer de 25. Oktober 1931 zu Paräis, a gestuerwen och do den 28. Februar 2011, war eng franséisch Schauspillerin.

Hiert Liewen[änneren | Quelltext änneren]

D'Annie Girardot huet 1954 am Theater ugefaangen an hat hire Filmdebüt 1956 an Treize à table. Am Ganzen huet si a bal 150 Film- an Tëleesproduktioune matgespillt, dacks an tragesche Rollen, méi seelen och a Comédieën. Hir éischt grouss Roll hat se 1960 am Luchino Visconti seng Rocco e i suoi fratelli (mam Alain Delon); duerno koumen ë. a. 1967 Vivre pour vivre (mam Yves Montand), 1968 Dillinger est mort (mam Philippe Noiret), 1969 Un homme qui me plaît (mam Jean-Paul Belmondo), 1972 Les Feux de la Chandeleur (mam Claude Jade), 1974 La giffle (mam Isabelle Adjani) an 1995 Les Misérables (mam Jean-Paul Belmondo).

2001 und 2005 war se an zwéi Filmer vum éisträichesche Regisseur Michael Haneke ze gesinn: an La pianiste wou se nieft der Isabelle Huppert an dem Benoît Magimel gespllt huet; a Caché, wou d'Juliette Binoche an den Daniel Auteuil hir Filmpartner waren.

D'Annie Girardot war vun 1962 bis 1988 mam Schauspiller Renato Salvatori bestuet, mat deem se zesummen eng Duechter, d'Giulia Salvatori hat.

1989 huet se hir Memoirë mam Titel Vivre d'aimer publizéiert.

2006 gouf bekannt, datt se zanter 2003 un der Alzheimer-Kränkt leide géif. Si ass 2011 doru gestuerwen.

Filmographie[änneren | Quelltext änneren]