Audie Murphy

Dësen Artikel aus dem Film- an Televisiounsberäich ass eréischt just eng Skizz. Wann der méi iwwer dëst Thema wësst, sidd der häerzlech invitéiert, aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran.

Audie Murphy

Den Audie Leon Murphy, gebuer den 20. Juni 1924 an der Géigend vu Kingston, Texas, a gestuerwen den 28. Mee 1971 bei enger Fligerkatastroph zu Roanoke, Virginia, war dee meescht dekoréierten US-amerikaneschen Zaldot am Zweete Weltkrich.

Nom Krich war hie Filmschauspiller an Dréibuchauteur. Hien huet och Texter fir 14 Lidder geschriwwen, vun deenen der e puer, wéi Shutters and Boards oder och When the Wind Blows in Chicago e puer Wochen an den Top-Ten vun der amerikanescher Hitparad waren.

Den Zaldot

Säi Grafsteen

Den Audie Murphy war op ville Plazen an Europa am Asaz, ënner anerem am Elsass bei Holtzwihr, wou et him gelong war eng däitsch Panzerattack ze stoppen. Hien huet un 8 Schluechten deelgeholl, a Sizilien, Italien, Frankräich an Däitschland, a bei den Débarquementer a Sizilien an a Südfrankräich. Den Audie Murphy gouf dräimol blesséiert. De 17. August 1945 gouf hien am Fort Sam Houston am Rang vun engem Leutnant démobiliséiert.

Trotz sengem Engagement beim Film huet hie sech erëm an der 36. Divisioun "Thirty-six T-Patchers" vun der Texas National Guard engagéiert fir mat an de Koreakrich ze goen. Hei hat hien de Rang vun engem Captain. Hie gouf 1957 an dëser Unitéit am Rang vu Major démobiliséiert, ouni datt hien iwwerhaapt a Nordkorea war, well seng Divisioun net mobiliséiert gouf. Vun 1966 bis zu sengem Doud war hien an der United States Army Reserve.

Den Audie Murphy gouf um Nationalkierfecht vun Arlington, Virginia, begruewen. Op sengem Grafsteen, an der Sectioun 46 Nummer 366-11, sinn nëmmen déi wichtegst Decoratiounen opgezielt - de Steen ass ze kleng fir se all drop ze schreiwen.

E Musée am Texas dréit säin Numm den Audie Murphy / American Cotton Museum, an all Joers, am Juni gëtt zu Greenville, Texas den Audie Murphy Day begaangen.

Filmer

Titel vum Film	Joer	Regisseur	Schauspiller
Texas, Brooklyn and Heaven	1948	William Castle	Guy Madison, Lionel Stander
Beyond Glory	1948	John Farrow	Alan Ladd, Donna Reed
Bad Boy	1949	Kurt Neumann	Lloyd Nolan
Sierra	1950	Alfred E. Green	Burl Ives, Dean Jagger
The Kid from Texas	1950	Kurt Neumann	Albert Dekker
Kansas Raiders	1950	Ray Enright	Brian Donlevy, Tony Curtis
The Red Badge of Courage	1951	John Huston	Andy Devine
The Cimarron Kid	1952	Budd Boetticher	James Best, Leif Erickson
The Duel at Silver Creek	1952	Don Siegel	Faith Domergue, Lee Marvin
Gunsmoke	1953	Nathan Juran	Paul Kelly
Column South	1953	Frederick de Cordova	Dennis Weaver, Joan Evans
Tumbleweed	1953	Nathan Juran	Lori Nelson, Chill Wills

Gielercher

Den Audie Murphy war 33 Mol décoréiert ginn. Déi wichtegst Gielercher sinn:

• Medal of Honor for exceptional valor
• Distinguished Service Cross
• Silver Star mat First Oak Leaf Cluster
• Legion of Merit
• Bronze Star Medal mat "V" Device an First Oak Leaf Cluster
• Purple Heart mat Second Oak Leaf Cluster
• U.S. Army Outstanding Civilian Service Medal
• Good Conduct Medal
• Distinguished Unit Emblem mat First Oak Leaf Cluster
• European-African-Middle Eastern Campaign Medal mat engem Silver Star, véier Bronze Service Stars an engem Bronze Arrowhead
• American Campaign Medal
• World War II Victory Medal
• Army of Occupation Medal
• Armed Forces Reserve Medal
• Combat Infantryman Badge
• Expert Badge mat Bayonet Bar
• Marksman Badge mat Rifle Bar
• Croix de guerre (Frankräich)
• Légion d'honneur
• French Liberation Medal
• Croix de guerre (Belsch)

Fir ze liesen

Dem Audie Murphy seng Autobiographie: To Hell and Back, Owl Books, 288 Säiten, déi 1955 vum Jesse Hibbs verfilmt gouf. Am Film spillt de Murphy sech selwer.

Portal WWII – Artikelen op der Wikipedia iwwer den Zweete Weltkrich.

Commons: Audie Murphy – Biller, Videoen oder Audiodateien