Härebierg

Vu Wikipedia
Wiesselen op: Navigatioun, sichen
Härebierg
D'Kasär um Härebierg
D'Kasär um Härebierg
An anere
Sproochen:
fr: Herrenberg
de: Herrenberg
Land: Flag of Luxembourg.svg Lëtzebuerg
Distrikt: Dikrech
Kanton: Dikrech
Gemeng: Coat of arms diekirch luxbrg.png Dikrech
Buergermeeschter: Claude Haagen (LSAP)
Koordinaten: Gnome-globe.svg49° 52’ 33’’ N
     06° 10’ 09’’ O
Uertschaften - Gemengen - Stied

Den Härebierg ass e Lieu-dit an der Gemeng Dikrech.

En ass nom Flouer mam selwechten Numm genannt, enger Knupp nordëstlech vun der Uertschaft Dikrech.

Den Härebierg ass bekannt - a steet dacks als Synonym - fir d'Kasär Grand-Duc Jean, an där zanter 1955 d'Lëtzebuerger Arméi ënnerbruecht ass.

Um Plateau vum Härebierg, deen an der Moyenne eng Héicht vun 370 Meter huet, gëtt et dräi Spëtze mat enger Héicht vun 386, 387 an 394 Meter beim Waasserbaseng. Den nordwestlechen Ausleefer, mat enger Héicht vun 379 Meter, ass de Botterweck.

Op den Härebierg kënnt ee vum ënneschten Deel vum Bamerdall aus iwwer d'N7B, iwwer e Feldwee dee vun där Strooss fortgeet an nërdlech duerch d' Mäertesdellt laanscht de Botterweck eropféiert, an e Feldwee deen um Fridhaff fortgeet.

Vun Dikrech aus féiert e schmuele Wee, den Neelcheswee, dee vun der N17 fortgeet op d'Kopp.

Bis an d'19. Joerhonnert gouf et an de géien Häng vum Härebierg Wéngerten. Déi goufe mat Iesele bewirtschaft. D'Symbolfigur, den "Dikrecher Iesel", soll dovun ofgeleet sinn.

Kuckt och[änneren | Quelltext änneren]