(253) Mathilde

Vu Wikipedia
Wiesselen op: Navigatioun, sichen
(253) Mathilde
Den Asteroid Mathilde
Orbittyp Haaptceintureasteroid
Positioun (Equinoxe: J2000.0)
Grouss Hallefachs 2.646 A.E.
PerihelAphel 1.939 – 3.353 AE
Exzentrizitéit 0.2671
Inklinatioun 6.74 Grad
Sideresch Ëmlafzäit 4 Joer 111 Deeg
Mëttel Bunnvitesse 18,0 km/s
Physikalesch Eegeschaften
Duerchmiesser 66 × 48 × 46 km
Mass 1,033 • 1017 kg
Albedo 0,04
Mëttel Dicht 1,3 g/cm3
Rotatiounsperiod (17,406 ± 0,010) d
Absolut Hellegkeet 10,2
Spektralklass Cb (SMASS-Klassifikation)
Entdecker Johann Palisa
Entdeckungsjoer 12. November 1885
Aner Bezeechnungen 1949 OL1

Den (253) Mathilde ass en Asteroid vun der Haaptasteroidenceinture mat engem mëttleren Duerchmiesser vu ronn 50 km. Am Juni 1997 war d'Raumsond NEAR-Shoemaker op enger Distanz vun 2.400 km laanscht de Mathilde geflunn an Daten a Fotoen op d'Äerd geschéckt.

D'Uewerfläch vum Mathilde ass däischter, méi schwaarz wéi Kuelen. Den Asteroid gehéiert zu der Spektralklass Cb an der SMASS-Klassifikatioun an däerft chemesch ähnlech opgebaut si wéi d'kueleg Chondriten, eng Grupp vu kuelestoffhaltege Steemeteoritten. De Mathilde ëmkreest d'Sonn op enger exzentrescher Bunn, déi bis an de baussenzege Beräich vun der Haaptasteroidenceinture reecht. E rotéiert nëmme ganz lues ëm seng eegen Achs an huet eng vun de längste Rotatiounsperiode vun de bekannten Asteroiden. D'Haaptkennzeeche vun der Mathilde-Uewerfläch ass e risegen Aschlagkrater vun 10 km Déift. D'Tatsaach, datt de Mathilde bei dësem Impaktereegnes net zerstéiert gouf, léisst dorop schléissen, datt den Asteroid kee kompakte Kierper ass, mä eng Usammlung vu Brochstécker (rubble pile), déi duerch déi schwaach Gravitatioun zesummegehale ginn. Dorop deit och déi kleng Dicht vun 1,3 g/cm3 hin, déi aus der Bunnoflenkung vun der Sond bestëmmt konnt ginn.

Et gëtt ugeholl, datt (253) Mathilde no der Fra vum Astronom Maurice Loewy genannt gouf.

Ee vun de grousse Krateren um Asteroid (253) Mathilde

Kuckt och[änneren | Quelltext änneren]

Saturn 01.svg Portal Astronomie

Um Spaweck[änneren | Quelltext änneren]

Commons: Mathilde (Asteroid) – Biller, Videoen oder Audiodateien