Aloyse Kayser

Vu Wikipedia
Wiesselen op: Navigatioun, sichen

Den Aloyse Kayser, gebuer den 29. Januar 1874 zu Miersch, a gestuerwen de 6. Mäerz 1926 an der Stad Lëtzebuerg, war e lëtzebuergesche Politiker a Gewerkschaftler (FNCTTFEL).[1]

Vu Beruff war den Aloyse Kayser Eisebunner; politesch war hien, mam Xavier Brasseur, Michel Welter a Bernard Krack, ee vun den Haaptleit vun der Sozialistescher Partei vu Lëtzebuerg, fir déi hie vun 1908 bis 1918 a vun 1919 bis zu sengem Doud Deputéierten an der Chamber war.

Hie war vun 1922 bis 1926, als Nofolger vum Joseph Junck, de President vun der Gewerkschaft Landesverband Luxemburger Eisenbahner, och alt nach kuerz Landesverband genannt.

Nieft der Politik war hien aktiv am Sport. Ënner sengem Impuls gouf 1899 de lëtzebuergeschen Turnverband mam deemolegen Numm Union des sociétés luxembourgeoises de gymnastique gegrënnt.

Zu Lëtzebuerg-Belair, zu Péiteng, Miersch, Diddeleng an zu Esch-Uelzecht ass eng Strooss no him genannt, um Belair an der Stad Lëtzebuerg och eng Schoul (Aloyse-Kayser-Schoul).

Gielchen[änneren | Quelltext änneren]

Biller[änneren | Quelltext änneren]

Um Spaweck[änneren | Quelltext änneren]

Commons: Aloyse Kayser – Biller, Videoen oder Audiodateien

Referenzen an Notten[Quelltext änneren]

  1. 1,0 1,1 Kuerz Biographie an Doudesannonce vum Aloyse Kayser am Escher Tageblatt vum 8. Mäerz 1926