Clark Gable

Vu Wikipedia
Wiesselen op: Navigatioun, sichen
De Clark Gable (1940).

De Clark Gable, gebuer den 1. Februar 1901 zu Cadiz am Ohio a gestuerwen de 16. November 1960 zu Los Angeles, war en US-amerikanesche Filmschauspiller.

Hien huet seng Carrière beim Theater ugefaangen a war tëscht 1924 an 1926 Statist a verschiddenen Stommfilmer. No an no huet hien et bis 1931 an Niewerolle bei der MGM gepackt. Just ee Joer drop hat hie säin Duerbroch an enger Haaptroll a an huet während enger 30 Joer a méi wéi 60 Hollywood-Filmer d'Haaptroll gespillt.

Zu senge bekanntste Rollen zielen déi vum Rhett Butler am Südstaaten-Drama Gone with the Wind (1939), fir déi e seng drëtt Nominéierung fir en Oscar krut. Eng aner Oscar-Nominéierung fir déi bescht Haaptroll krut hie fir seng Interpretatioun a Mutiny on the Bounty (1935), a fir It Happened One Night (1934) hat hien dee Präis kritt.Och mat anere Filmer hat hie souwuel beim Publikum wéi bei de Kritiker Erfolleg, z. B. fir Red Dust (1932), Manhattan Melodrama (1934), San Francisco (1936), Saratoga (1937) Boom Town (1940), The Hucksters (1947) Homecoming (1948) an The Misfits (1961), sengem leschte Film.

De Clark Gable huet mat ville vun de populäerste Schauspillerinnen zesummegespillt: der Joan Crawford an net manner wéi aacht Filmer, siwemol mat der Myrna Loy, sechsmol mat der Jean Harlow, véier Kéiere mat der Lana Turner a jee dräimol mat der Norma Shearer an der Ava Gardner. Säi leschte Film The Misfits (1961) huet hie mat der Marilyn Monroe zesummebruecht, där et och hire leschte Film war.

Wéinst senger Popularitéit hat hien de Spëtznumm "The King of Hollywood" oder einfach "The King".

Filmographie (Auswiel)[änneren | Quelltext änneren]

  • Red Dust (1932)
  • It Happened One Night (1934)
  • Manhattan Melodrama (1934)
  • It Happened One Night (1934)
  • Mutiny on the Bounty (1935)
  • Saratoga (1937)
  • Gone with the Wind (1939)
  • The Hucksters (1947)
  • Never Let Me Go (1953)
  • Mogambo (1953)
  • Teacher's Pet (1958)
  • It Started in Naples (1960)
  • The Misfits (1961)

Literatur[änneren | Quelltext änneren]

  • René Jordan: Clark Gable. Seine Filme – sein Leben. Heyne, München 1995, ISBN 3-453-86094-2.
  • David Niven: Bring on the empty horses! Biografesch Erënnerungen. Hamilton 1975, ISBN 0-241-89273-2, S. 64–94.

Um Spaweck[änneren | Quelltext änneren]

Commons: Clark Gable – Biller, Videoen oder Audiodateien