Commonwealthgraf

Vu Wikipedia
(Virugeleet vu(n) Commonwealth-Graf)
Wiesselen op: Navigatioun, sichen
Plack um Kierfecht vu La Cassine

Als Commonwealthgraf ginn déi Kierfechter bezeechent op deenen Zaldoten aus de Länner vum Commonwealth begruewe leien.

Am Géigesaz zu den Amerikaner déi hir doudeg Zaldoten entweder rapatriéiert, oder op amerikaneschen Zaldotekierfechter an Europa begruewen hunn, hunn d'Länner vum Commonwealth déi am Éischten an am Zweete Weltkrich bedeelegt waren, dacks decidéiert hir Zaldoten op de jeeweilege Gemengekierfechter ze loossen. Et handelt sech dobäi haaptsächlech ëm Fliegerbesatzungen déi iwwer Frankräich, der Belsch, oder Lëtzebuerg, erofgeschoss goufen, an entweder vun den Däitschen, meeschtens awer vun der lokaler Bevëlkerung um Kierfecht vun der Uertschaft bäigesat goufen.

D'Kierfechter op deenen sou Zaldote begruewe leien hu meeschtens op der Kierfechtsmauer zur Stroossesäit ee Schëld mat der Opschrëft Tombe de Guerre Commonwealth / Commonwealth War Grave.

Et gëtt awer och nach eng Parti Kierfechter vum Commonwealth op deenen nëmmen Zaldote begruewe sinn, wéi z. B. den Zaldotekierfecht vun Hotton.

Commonwealthgriewer zu Lëtzebuerg[änneren | Quelltext änneren]

Déi dräi Griewer zu Kierchen.
  • Um Kierfecht zu Kierchen, de Pilot an zwéin Equipagemembere vum 218. Geschwader, déi mat hirem Fairey Battle den 11. Mee 1942 erofgeschoss goufen.
  • Um Kierfecht zu Dikrech, 1 britesche Pilot, erofgefall den 10. Mee 1940 bei Wallendorf a gestuerwen zu Dikrech.
  • Um ale Kierfecht vun Hëpperdang (nieft der Kierch), 2 britesch Piloten déi de 27. Mee 1944 mat hirem Mosquito erofgefall sinn.
  • Um Kierfecht zu Hollerech, 6 britesch Zaldoten.
  • Um Kierfecht zu Mäertert, 2 britesch Piloten déi mat hirem Mosquito den 2. September 1944 erofgefall sinn.
  • Am Bësch tëscht der Maulesmillen a Boxer, d'Griewer vun 2 britesche Piloten, engem neiséilänneschen a vun 3 Membere vum belsche Geheimdéngscht, erofgefall mat hirem Hudson-Bomber den 21. Mäerz 1945.
  • Um Kierfecht vu Rammerech, 3 britesch Piloten, ëmkomm beim Halifax-Bomber-Crash bei Rammerech.
  • Um Kierfecht vu Rolleng/Péiteng, 3 britesch Piloten.

Commonwealthgriewer an der Belsch[änneren | Quelltext änneren]

Desnié

Commonwealthgriewer a Frankräich[änneren | Quelltext änneren]

  • Um Kierfecht vu La Cassine
  • De Briteschen Zaldotekierfecht vu Roye (Roye New British Cemetery)
  • Kierfecht vu Cugny, sechs britesch an ee kanadeschen Zaldot déi beim Ofstuerz vum Halifax am August 1944 ëm d'Liewe koumen
  • Kierfecht vun Uewerlonkech, 2 Griewer aus dem 1. Weltkrich
  • Nécropole nationale vu Pierrepont, 2 Griewer
  • Kierfecht vun Herbisse, 7 Griewer vun enger Fligerbesatzung (5 vun der Royal Air Force Voluntary Reserve an 2 vun der Royal New Zealand Air Force) vum 49. Squadron Bomber Command. Si koumen den 19. July 1944 beim Ofstuerz vun hirem Lancaster Mk III (N° JB178) ëm d'Liewen
  • Kierfecht vun Épernon, 7 Griewer vun der Besatzung vun engem Halifax vum 640 Squadron, deen an der Nuecht vum 2 op den 3 Juni 1944 iwwer Épernon ofgeschoss gouf.
  • Kierfecht vu Garancières-en-Drouais, Graf vum Sydney Wallace Johnson, de beim Ofstuerz vum Blenheim N° R3693 vum 40 Squadron vun der RAF ëm d'Liwe koum.
  • Um Kierfecht vun Dreux, 68 Griewer.

Um Spaweck[änneren | Quelltext änneren]

Commons: Commonwealthgriewer – Biller, Videoen oder Audiodateien
Commons: Commonwealthkierfechter – Biller, Videoen oder Audiodateien