Eurovision Song Contest 1968
| 13. Eurovision Song Contest | |
|---|---|
| Datum | 6. Abrëll 1968 |
| Stad | London (Groussbritannien) |
| Gebai | Royal Albert Hall |
| Gewënner | Massiel (Spuenien) |
| Zuel vu Länner | 17 |
| Nei Participatiounen | Keng |
| Moderatioun | Katie Boyle |
| Interval Act | London-Impressionen a Bild an Ton |
| Ofstëmmungsreegel | A jiddwer Land souzen zéng Jurymemberen. Jiddwer Member huet mat engem Punkt fir een Titel ofgestëmmt. |
Den 13. Eurovision Song Contest (offiziell den Eurovision Song Contest) war de 6. Abrëll 1968 a Groussbritannien. Organiséiert gouf d'Eurovisioun dat Joer an der Royal Albert Hall zu London. Presentatrice war d'Katie Boyle.
D'Zuel vun de Länner ass bei 17 bliwwen.
Et war dat éischt Joer datt d'Sendung vu 7 Länner a Faarf iwwerdroe gouf obwuel nach net vill Leit d'Méiglechkeet hate fir se faarweg ze gesinn.
Eng Sängerin war scho virdrun eng Kéier dobäi, d'Isabelle Aubret fir Frankräich 1962, déi deemools gewonnen hat.
D'Reegel fir d'Ofstëmmung war d'selwecht wéi dat Joer virdrun: An all Land souzen 10 Jurysmemberen, déi jiddwereen eng Stëmm ze verginn haten. D'Jury konnt sou am Ganze maximal 10 Punkte verginn fir dat bescht Lidd. D'Resultater goufen telefonesch an ëffentlech op London iwwermëttelt.
Déi éischt Plaz krut d'Vertriederin vu Spuenien, d'Massiel mat nëmmen 1 Punkt Virsprong virum Cliff Richard (Groussbritannien). Déi drëtt Plaz krut d'Isabelle Aubret, déi fir Frankräich ugetruede war. Et war déi éischt Kéier datt Spuenie gewonnen hat. Bei der Widderhuelung um Enn vun der Sendung huet si d'Lidd an enger zweesproocheger Versioun gesongen (Spuenesch an Englesch).
Dat spuenescht Lidd sollt ursprénglech eigentlech vum Joan Manuel Serrat gesonge ginn. Well deen awer drop insistéiert huet fir et op katalounesch ze sangen, ass en duerch d'Massiel ersat ginn. De Franco-Regime hat a Spuenien déi Zäit aner Sproochen ausser Spuenesch verbueden.
Klassement
[änneren | Quelltext änneren]| Plaz | Land | Interpret | Titel | Punkten |
|---|---|---|---|---|
| 1. | Spuenien | Massiel | La, la, la | 29 |
| 2. | Groussbritannien | Cliff Richard | Congratulations | 28 |
| 3. | Frankräich | Isabelle Aubret | La source | 20 |
| 4. | Irland | Pat McGeegan | Chance of a Lifetime | 18 |
| 5. | Schweden | Claes-Göran Hederström | Det börjar verka kärlek, banne mej | 15 |
| 6. | Däitschland | Wencke Myhre | Ein Hoch der Liebe | 11 |
| 7. | Belsch | Claude Lombard | Quand tu reviendras | 8 |
| 7. | Monaco | Line & Willy | À chacun sa chanson | 8 |
| 7. | Jugoslawien | Luci & Hamo | Jedan dan | 8 |
| 10. | Italien | Sergio Endrigo | Marianne | 7 |
| 11. | Portugal | Carlos Mendes | Verão | 5 |
| 11. | Lëtzebuerg | Chris Baldo & Sophie Garel | Nous vivrons d'amour | 5 |
| 13. | Éisträich | Karel Gott | Tausend Fenster | 2 |
| 13. | Schwäiz | Gianni Mascolo | Ringe-dinge-ding | 2 |
| 13. | Norwegen | Odd Børre | Stress | 2 |
| 16. | Holland | Ronnie Tober | Morgen | 1 |
| 16. | Finnland | Kristina Hautala | Kun kello käy | 1 |
Um Spaweck
[änneren | Quelltext änneren]| Wien (Éisträich) | 
|
Madrid (Spuenien) |
|---|---|---|
| ESC 1967 | Eurovision Song Contest | ESC 1969 |