Eurovision Song Contest 1969

Vu Wikipedia
14. Eurovision Song Contest
Datum 29. Mäerz 1969
Stad Madrid (Spuenien)
Gebai Teatro Real
Gewënner Spuenien, Holland, Frankräich, Groussbritannien
Zuel vu Länner 16
Nei Participatiounen Keng
Moderatioun Laurita Valenzuela
Interval Act La España Diferente – a Bild an Ton
Ofstëmmungsreegel A jiddwer Land souzen zéng Jurymemberen. Jiddwer Member huet mat engem Punkt fir een Titel ofgestëmmt.
Teatro Real, 2006

De 14. Eurovision Song Contest (offiziell de Gran Premio de la Canción de Eurovision) war den 29. Mäerz 1969 a Spuenien. Organiséiert gouf d'Eurovisioun dat Joer am Teatro Real zu Madrid. Presantatrice war d'Laurita Valenzuela.

D'Zuel vun de Länner ass op 16 erofgaangen, well Éisträich aus politeschen Ursaachen (Franco-Regime) net matgemaach huet .

Verschidde Sänger ware scho virdru mol eng Kéier dobäi, de Louis Neefs fir d'Belsch 1967, d'Siw Malmkvist deemools fir Schweden 1960, de Romuald deemools fir Monaco 1964, d'Simone de Oliveira fir Portugal 1965 an d'Kirsti Sparboe fir Norwegen souguer zweemol, 1965 a 1967.

D'Reegel fir d'Ofstëmmung war d'selwecht wéi dat Joer virdrun: An all Land souzen 10 Jurysmemberen, déi jiddwereen eng Stëmm ze verginn haten. D'Jury konnt sou am Ganze maximal 10 Punkte vergi fir dat bescht Lidd. D'Resultater goufen telefonesch an ëffentlech op Madrid iwwermëttelt.

Op der éischter Plaz koume mat 18 Punkte gläichop d'Vertrieder vu 4 Länner, d'Salomé fir Spuenien, d'Lulu fir Groussbritannien, d'Lenny Kuhr fir Holland an d'Frida Boccara fir Frankräich. Dat war méiglech well fir sou eng Situatioun keng aner Léisung am Reglement virgesi war. Et sinn doduerch vill Kriticke ginn an d'Zuel vun de Länner déi matgemaach hunn ass doduerch dat Joer drop op 12 erofgaangen.

Déi véier Gewënnerlänner haten alleguer scho virdrun de Grand Prix gewonnen, fir Frankräich war et déi véiert Kéier, fir Holland déi drëtt Kéier a fir Groussbritannien a fir Spuenien déi zweet Kéier.

Klassement[änneren | Quelltext änneren]

Plaz Land Interpret Titel Punkten
1. Spuenien Salomé Vivo cantando 18
1. Groussbritannien Lulu Boom Bang-a-Bang 18
1. Holland Lenny Kuhr De troubadour 18
1. Frankräich Frida Boccara Un jour, un enfant 18
5. Schwäiz Paola del Medico Bonjour, bonjour 13
6. Monaco Jean-Jacques Maman, maman 11
7. Irland Muriel Day The Wages of Love 10
7. Belsch Louis Neefs Jennifer Jennings 10
9. Schweden Tommy Körberg Judy, min vän 8
9. Däitschland Siw Malmkvist Primaballerina 8
11. Lëtzebuerg Romuald Catherine 7
12. Finnland Jarkko ja Laura Kuin silloin ennen 6
13. Jugoslawien Ivan & M's Pozdrav svijetu 5
13. Italien Iva Zanicchi Due grosse lacrime bianche 5
15. Portugal Simone de Oliveira Desfolhada 4
16. Norwegen Kirsti Sparboe Oj, oj, oj, så glad jeg skal bli 1

Um Spaweck[änneren | Quelltext änneren]

London (Groussbritannien) Amsterdam (Holland)
ESC 1968 Eurovision Song Contest ESC 1970