Eurovision Song Contest 1972


17. Eurovision Song Contest
Datum	25. Mäerz 1972
Stad	Edinburgh (Groussbritannien)
Gebai	Usher Hall
Gewënner	Vicky Leandros (Lëtzebuerg)
Zuel vu Länner	18
Nei Participatiounen	Keng
Moderatioun	Moira Shearer
Interval Act	Tatto at Edinburgh Castle
Ofstëmmungsreegel	An der Jury vun all Land waren zwee Leit, den een ënner, den aneren iwwer 25 Joer. D'Jurore konnten all Land op d'mannst 1 Punkt, héchstens 5 Punkte ginn.
D'Vicky Leandros, 2008
Usher Hall zu Edinburgh, 2011

De 17. Eurovision Song Contest war de 25. Mäerz 1972 a Groussbritannien. Organiséiert gouf d'Eurovisioun dat Joer an der Usher Hall zu Edinburgh. Presantatrice war d'Moira Shearer. Groussbritannie huet d'Organisatioun vum Grand Prix iwwerholl, obwuel et eigentlech un der Rei vu Monaco gewiescht wier. Et war fir Monaco awer net méiglech fir sou eng grouss Veranstaltung z'organiséieren.

D'Zuel vun de Länner ass d'selwecht bliwwe wéi dat Joer virdrun, nämlech 18.

Verschidde Sänger ware scho virdru mol eng Kéier dobäi, d'Vicky Leandros fir Lëtzebuerg 1967, de Carlos Mendes fir Portugal 1988, d'Grupp Family Four fir Schweden 1971 an d'Tereza Kesovija fir Monaco 1966.

D'Reegel fir d'Ofstëmmung war déi selwecht wéi dat Joer virdrun: An der Jury vun all Land waren zwee Leit, den een ënner, den aneren iwwer 25 Joer. D'Jurore konnten all Land mindestens 1 Punkt, héchstens 5 Punkte ginn. D'Jury konnt sou am Ganze maximal 10 Punkte vergi fir dat bescht Lidd, wat an dësem Joer awer net all Land gemaach huet. D'Jurye waren op der Plaz dobäi an hunn d'Resultater zum Schluss op der Bün bekannt ginn.

Déi éischt Plaz krut d'Vertriederin vu Lëtzebuerg, d'Vicky Leandros mat 14 Punkte Virsprong virun de New Seekers (Groussbritannien). Déi drëtt Plaz krut d'Mary Roos, déi fir Däitschland ugetruede war.

Fir Lëtzebuerg war et schonn déi drëtt Kéier datt et de Grand Prix gewonnen hat. D'Gewënnerlidd vun der Vicky Leandros ass europawäit e grousse Succès ginn, awer och d'Lidd vun der Grupp New Seekers (2. Plaz) hat vill Erfolleg.

Klassement

Plaz	Land	Interpret	Titel	Punkten
1.	Lëtzebuerg	Vicky Leandros	Après toi	128
2.	Groussbritannien	New Seekers	Beg, Steal or Borrow	114
3.	Däitschland	Mary Roos	Nur die Liebe läßt uns leben	107
4.	Holland	Sandra & Andres	Als het om de liefde gaat	106
5.	Éisträich	Milestones	Falter im Wind	100
6.	Italien	Nicola di Bari	I giorni dell'arcobaleno	92
7.	Portugal	Carlos Mendes	A festa da vida	90
8.	Schwäiz	Véronique Müller	C'est la chanson de mon amour	88
9.	Jugoslawien	Tereza Kesovija	Muzika i ti	87
10.	Spuenien	Jaime Morey	Amanece	83
11.	Frankräich	Betty Mars	Come-comedie	81
12.	Finnland	Päivi Paunu & Kim Floor	Muistathan	78
13.	Schweden	Family Four	Småting	75
14.	Norwegen	Grethe Kausland & Benny Borg	Goeiemorgen, morgen	73
15.	Irland	Sandie Jones	Ceol an ghrá	72
16.	Monaco	Anne-Marie Godart & Peter McLane	Comme on s'aime	65
17.	Belsch	Serge & Christine Ghisoland	A la folie ou pas du tout	55
18.	Malta	Helen & Joseph	L-imhabba	48

Um Spaweck

Dublin (Irland)		Lëtzebuerg (Lëtzebuerg)
ESC 1971	Eurovision Song Contest	ESC 1973