Irland (Insel)

Vu Wikipedia
Op d'Navigatioun wiesselen Op d'Siche wiesselen
Satellitebild vun Irland
Kaart vun Irland

D'Insel Irland ass ronn 450 km laang a ronn 260 km breet a läit am Atlantik. Si huet eng Fläch vu 84.421 km², an ass domat déi drëttgréisst Insel an Europa an déi zwanzegstgréisst vu der Welt.

Op der Insel leien d'Republik Irland an am Nordosten Nordirland, dat Deel vum Vereenegte Kinnekräich ass.

Nimm[änneren | Quelltext änneren]

Den engleschen Numm vun der Insel ass Ireland, op Iresch heescht se Éire. De klasseschen latengeschen Numm war Hibernia, nach virdrun Ivernia. Do dernieft hunn d'Réimer entweder a Gebitt am Nordoste vun Irland oder och déi ganz Insel Scotia genannt. Dësen Numm gouf am Mëttelalter op den Norden vu Groussbritannien iwwerdroen a bezeechent zanterhier dat haitegt Schottland. Do dernieft gouf et och d'Bezeechnung Britannia minor, also "Klengbritannien" (an Oppositioun zu Groussbritannien).

Irland gëtt och alt "déi Gréng Insel" genannt.

Geographie[änneren | Quelltext änneren]

D'Bierger si virun allem laangscht d'Küst, bannen am Land sinn zentrale Ebenen. De Carrauntuohill am County Kerry ass mat 1041 Meter deen héchste Bierg. De Shannon deelt d'Insel an zwee, an ass, mat ronn 370 km, dee längste Floss.

Flora a Fauna[änneren | Quelltext änneren]

Am Allgemenge kommen op Irland manner Aarte vir wéi um europäesche Festland oder op der Nopeschinsel Groussbritannien. Dat läit virun allem dodrun, dass Irland no der leschter Äiszäit, wéi de Mierespijel relativ séier geklommen ass, isoléiert gouf. Et gi just 31 Mamendéieraarten, déi op Irland doheem sinn. Op Irland gëtt et keng Schlaangen, an och just eng Reptilienaart, d'Bëscheidechs.

Haut ginn et och bal keng grouss Bëscher méi op Irland, dës goufen am 17. Joerhonnert wéinst dem Oliver Cromwell senger zerstéieresche Politik ëmgehaen. Am 20. Joerhonnert ass d'Fläch vu Bëscher vun ufanks 1% op 5 % 1997 geklommen, net zulescht duerch Fonge vun der EU. 2002 war dës op 10% eropgaangen; dat meescht sinn Nolebeem.

Um Spaweck[änneren | Quelltext änneren]

Commons: Irland – Biller, Videoen oder Audiodateien