Jean-Aimé Stoll

Vu Wikipedia
Op d'Navigatioun wiesselen Op d'Siche wiesselen
Jean-Aimé Stoll
Pseudonym Pierre Lefèvre, Jean Thierry, A.S., J.A.S., Julien Legrand, Jean-Jules Manet, J.J. Manet, André Simon
Gebuer 15. Februar 1924
Hemstel
Gestuerwen 15. Mee 2015
Munneref
Nationalitéit Lëtzebuerg
Aktivitéit Offizéier, Fonctionnaire, Romancier
Wikidata-logo-without-paddings.svg

De Jean-Aimé Stoll, gebuer de 15. Februar 1924 zu Hemstel, war d'éischt Offizéier an der Arméi an dunn héije Beamten um europäesche Rechnungshaff. Hien ass och als Auteur bekannt, an zwar ënner dem Pseudonym Pierre Lefèvre.

Säi Liewen[änneren | Quelltext änneren]

Um Enn vu senge Secondairesstudien zu Iechternach gouf hie vun der däitscher Besatzung zwangsrekrutéiert, konnt sech awer duerch d'Bascht maachen an no England kommen. Do krut hien eng Offizéieschausbildung zu Sandhurst, an duerno koum hien an d'Lëtzebuerger Nokrichsarméi. Relativ séier goung hien awer weider studéieren, a sou koum hien an den Déngscht vun der europäescher Saach, an zwar an d'Cour des Comptes vun der europäescher Communautéit, wou hien et zum Direkter bruecht huet. Nieft senger Aarbecht als héije Beamte war hien och Éierekonsul vu Mexiko.

De Jean-Aimé Stoll, dee bestuet a Papp vun dräi Kanner ass, huet eng Rei Artikelen an der Revue Rappel publizéiert. 1992 huet hien och e Roman - ënner dem Pseudonym Pierre Lefèvre - publizéiert, an deem hie Jugend- a Krichserfarungen zu engem Thriller zesummeflecht.

Publikatiounen (Auswiel)[änneren | Quelltext änneren]

  • Le Concerto Jeunehomme; Roman, publizéiert ënner dem Pseudonym Pierre Lefèvre, Paräis, beim Verlag La Pensée Universelle, 1992; 220 Säiten. ISBN 2-214-09365-6.
  • The Jeunehomme Concerto; engleschsproochech Iwwersetzung; Nidderanwen, Imprimerie Ossa, 2005; 128 Säiten. ISBN 2-87996-797-X.

Literatur[änneren | Quelltext änneren]

  • Edouard Marc Kayser: Lettres luxembourgeoises: Un roman vivant et coloré - "Le Concerto Jeunehomme", par Pierre Lefèvre ; in: Luxemburger Wort, Ausgab vum 7. Januar 1993.
  • Frank Wilhelm: La francophonie du Grand-Duché de Luxembourg, Cahiers francophones d'Europe centre-orientale, Sonnernummer ('numéro hors série'); Pécs & Wien, 1999; Ss. 188-189.
  • Rosch Krieps: Fast schon ein Drehbuch - "The Jeunehomme Concerto" von Pierre Lefèvre; in: Lëtzebuerger Journal, Ausgab vum 17. Februar 2006.