Kazimierz Marcinkiewicz
| Kazimierz Marcinkiewicz | |
|---|---|
_(cropped).jpg) | |
| Gebuer |
20. Dezember 1959 Gorzów Wielkopolski |
| Nationalitéit | Polen |
| Educatioun | Universitéit Breslau |
| Aktivitéit | Politiker, Enseignant, Physiker |
| Partei | Recht a Gerechtegkeet |
 | |
De Kazimierz Marcinkiewicz, gebuer den 20. Dezember 1959 zu Gorzów Wielkopolski, ass en national-konservative polnesche Politiker (PiS) a war vum 31. Oktober 2005 bis de 7. Juli 2006 Ministerpresident vu sengem Land.
Säi Liewen[änneren | Quelltext änneren]
De Marcinkiewicz huet un der Universitéit Wrocław Physik studéiert an 1984 säin Ofschloss gemaach. Duerno huet en aacht Joer laang als Schoulmeeschter a Vizedirekter a senger Heemechtsstad Gorzów geschafft.
De Marcinkiewicz ass bestuet an huet véier Kanner.
Seng politesch Karriär[änneren | Quelltext änneren]
Schonn 1981 ass de Marcinkiewic Member vun der Solidarność-Beweegung ginn a war dunn an den 1980er Joren niewelaanscht Redakter fir d'Ënnergrondpress vu senger Stad.
1992 gouf e fir ee Joer als Staatssekretär an de Ministère fir National Erzéiung geruff. Von 1999 bis 2000 war e Kabinettschef vum Ministerpresident Jerzy Buzek.
No de Walen 2005 huet en de Marek Belka als Ministerpresident ofgeléist. Fir säin iwwerraschende Karriärsspronk huet e sengem Parteipresident Jarosław Kaczyński Merci ze soen, deen op déi Funktioun fräiwëlleg verzicht huet, fir d'Chancë vu sengem Zwillingsbrudder Lech bei de Presidentschaftswalen net a Gefor ze bréngen. Am Juli 2006 huet deen dunn awer säi Brudder zum Premier ernannt.
Um Spaweck[änneren | Quelltext änneren]
| Commons: Kazimierz Marcinkiewicz – Biller, Videoen oder Audiodateien |
