Kierch Beetebuerg

Vu Wikipedia
Op d'Navigatioun wiesselen Op d'Siche wiesselen
Kierch vu Beetebuerg
D'Beetebuerger Kierch
Uertschaft Beetebuerg
Par Beetebuerg
Numm / Patréiner Mariä Himmelfaart
Konsekratiounsjoer 1889
Parverband Beetebuerg-Huncheréng
Architekt(en) Pierre Kemp
Kierchen - Kapellen
Chouer

D'Kierch vu Beetebuerg ass eng kathoulesch Kierch déi zur Par Beetebuerg, zum Parverband Beetebuerg-Huncheréng, zu der Pastoralregioun Süden, zum Dekanat Beetebuerg an zu der Gemeng Beetebuerg gehéiert. Responsabel sinn de Paschtouer Edmond Ries an den Diakon Léon Weber vu Beetebuerg.

Si steet zentral an der Uertschaft un der Escher Strooss, der N13.

Geschicht[änneren | Quelltext änneren]

1887 gouf ugefaangen eng nei Kierch zu Beetebuerg ze bauen, dëst am post-romane Stil no de Pläng vum Pierre Kemp. Se huet ee Mëttel- an 2 Säiteschëffer, den Tuerm steet iwwer der Entréesdier. D'Konsekratioun war de 17. Oktober 1889.

Kierch vu bannen[änneren | Quelltext änneren]

1904 gouf de barocken Héichaltor duerch een aus Marber vum Jean-Pierre Koenig ersat (op dësem steet haut den Tabernakel). De Volleksaltor ass och aus Marber a staamt vum Charles Kohl. De Kräizwee vun 1963 huet den Émile Hulten skulptéiert. An den Endnische vun de Säiteschëffer sinn nach d'Wandmolereien aus der Ufankszäit erhalen. Um westleche Säitenaltor steet eng barock Assumpta Statu aus dem Joer 1722.

An der Kierch gëtt et eng Erënnerungskapell un d'Affer vum 2. Weltkrich mat Fënstere vum Gustave Zanter an eng Pietà.

Grafsteen[änneren | Quelltext änneren]

Des Weidere steet och nach e Renaissance Grafsteen aus dem 17. Joerhonnert an der Kierch, de sougenannte Monument Heinsberg-Lellich.

Fënsteren[änneren | Quelltext änneren]

Déi abstrakt Fënsteren am Chouer si vum Frantz Kinnen aus dem Joer 1970. Déi op de Säite goufen 1952 fäerdeggestallt a weisen déi 10 Titele vun der Muttergottes als Kinnigin. Se si vum Nicolas Brücher entworf ginn.

Uergel[änneren | Quelltext änneren]

Et waren d'Bridder Müller vu Reifferscheid déi 1890 déi éischt Uergel mat 21 Regësteren fir d'Beetebuerger Kierch gebaut hunn.

D'Dekanatskierch krut 1959 eng nei Uergel aus der Manufaktur vum Uergelbauer Nik. Loewen vu Lëntgen. Déi nei Uergel hat eng elektresch Traktur a war sou opgebaut:

  • I Haaptwierk (15 Reg.)
  • II Positiv (9 Reg.)
  • III Schwellwierk (14 Reg.)
  • Pedal (11 Reg.)

D'Uergel gouf 1975 vum Uergelbaumeeschter Herbert Schmidt vu Miersch restauréiert. 1994 gouf d'Wierk vum Uergelbaumeeschter Ulrich Lohmann aus Münster a Westfalen renovéiert.

2010 ass se um Uergelbaumeeschter Thomas Gaida aus dem Saarland nees eng Kéier renovéiert ginn. Bei dëser Geleeënheet huet d'Uergel en neie Spilldësch an eng 32'-Bombard kritt.

Duxall an Uergel

Klacken[änneren | Quelltext änneren]

D'Dekanatskierch vu Beetebuerg huet am Tuerm 3 grouss Klacken an der Tounaart c' d' an e' oder och do re mi lauden. Eng fréier Klack, déi am Schlagtoun mi laut, hänkt ewell am Klackentuerm zu Waasserbëlleg.

Dafkapell[änneren | Quelltext änneren]

An der Dafkapell vun 1934 steet en Dafstee vun 1622 mat engem aachteckege Fouss. De Mosaik vun engem onbekannte Kënschtler weist d'Daf vum Jesus am Jordan.

Kierchefënster
Dafkapell
Detail vun engem Altor

Literatur[änneren | Quelltext änneren]

  • Broschür 100 Joer Betebuerger Dekanatskierch (1989)

Kuckt och[änneren | Quelltext änneren]

Um Spaweck[änneren | Quelltext änneren]

Commons: Kierch Beetebuerg – Biller, Videoen oder Audiodateien